على ذمة التحرير: ديوان جديد للشاعرة فاطمة المرسي

منشور 24 شباط / فبراير 2013 - 07:30
الغلاف
الغلاف

 ياللى زرعتوا الوطن بسنين عجاف .. و كتبتوا فوق النيل .. مغلق للجفاف .. و نسيتوا تأويل حلمنا .. يوم الحصاد ابتدى .. لا نقض لا استئناف  "  مقطع من ديوان جديد للشاعرة فاطمة المرسى  والذى صدر حديثا عن دار الطلائع للنشر و التوزيع  .

الشاعرة فاطمة المرسى  قضت سنوات طويلة فى الولايات المتحدة الأمريكية قبل أن تستقر فى القاهرة لتشارك فى الثورة المصرية بقصائدها.

و من قبل صدر للشاعرة ديوان "انتباه يامصر" و "مولد السيدة مصر"   ،  و  ديوان " رباعيات " تحت الطبع  ، تدور غالبية قصائد الشاعرة حول الثورة المصرية  ، وقد تناول قصائدها بالنقد الدكتور شريف الجيار والشاعر محمود الشاذلى وآخرون .

بدأت الشاعرة ديوانها بتوجيه إهداء للمخلصين فى حب الوطن ، وفي  قصيدة " سمعينا " تقول :

انتى شايفة بأم عينك

مين عدوك .. مين حبيبك

مين فتح صهريج ندالته

مين سرق يا مصر جيبك ؟

مين ورا الكواليس بيلعب

دور خسيس

مين بيقتل حلم زرعك

مين فتح فجأة الهويس

مين كلامه كان على

قلبك خفيف

مين ظهر فى الصورة لابس

توب شريف

مين سرق قوتك و سابك

ف الخلا و بدنك ضعيف

مين طلع مش همُه إسمك

مين وشم ف القلب رسمك

مين يا مصر فى لحظة سمك

مين خبز من الروح رغيف

مين عزيز فينا عليكى

مين برئ من عار خيانتك

ليه سمحتى لصوت سكوتك

يروى عنك

يلا قولى و سمعينا بعلو صوتك

مين غسل شباك نهارك

مين سحب م الضلمة شمسك

مين دهس أزهار ميدانك

 

مين روى بالدم .. أرضك ؟

مواضيع ممكن أن تعجبك