تصدر الفنان المصري أحمد سعد الترند وحديث الصحافة والجمهور في الأيام الماضية بعد إعلانه عودته إلى زوجته السابقة ووالدة ابنتيه، إلى جانب ظهوره بـ "قلادة" الماسية ضخمة في حفل زفاف نجل الإعلامية المصرية بسمة وهبه.
وكان سعد قد ظهر في حفل زفاف نجل الإعلامية المصرية إلى جانب طليقته علياء البسيوني مما أثار الشكوك والتكهنات، ليؤكد خبر العودة خلال حفله في السعودية بمناسبة اليوم الوطني السعودي، حيث دعاها على المسرح واعلن إنها خطيبته.
أحمد سعد يتحدث عن عودته إلى علياء البسيوني
وأجرى سعد يوم امس مداخلة على برنامج الحكاية، الذي يقدمه الإعلامي عمرو أديب، للتعليق على عودته لطليقته وقال: "عمرك شفت حد خطب مراته؟".
وأضاف: "كنت عايز أوصل رسالة إن أي اتنين متخانقين يبعدوا عن كل الناس اللي حواليهم وأي حد بيوصلهم حاجة وحشة أو حلوة، وأعطيت لنفسي فرصة أنا وأم عيالي إننا نكلم بعض بدل ما حد ينقل عننا أي أخبار وننسى كل حاجة وحشة في فترة زعل أو عصبية ونرفزة ونبصّ على بعض بعين تانية فيها اعتبار لأولادنا".
وحول طبيعة وضعه مع طليقته علياء البسيوني وفيما إذا كانا مخطوبين أو زوجين رد سعد:" "هو رونالدو وجورجينا مش أحسن مني بس هو الفرق بيني وبينهم إنه عايش معاها أنا مش عايش معاها، أنا وخطيبتي بيننا عيال وكسبت كل حاجة"،
وأردف الفنان المصري: "إحنا هنتجوز بس هنعمل فرح كبير جدّاً وهنعزم فيه ولادنا ويلبسوا نفس الفستان وعلشان مينفعش ما يحضروش فرح أبوهم وأمهم وهتبقى مناسبة جميلة إن الولاد ينبسطوا معانا، وهجيب ناس تغنّي في الفرح، وهعزم كل أصحابي، ابني يلبس نفس بدلتي وبنتي تلبس نفس فستان مامتها".
