بعد الغاء المؤتمر الصحفي والذي كان من المقرر عقده قبل حفل النجم العالمي إنريكي إغليسياس في مصر وبعد اعتراض الصحافة المصرية على الغاء المؤتمر دشن عدد من رواد موقع تويتر في مصر هاشتاغ ساخر بعنوان "اسال إنريكي كأنك صحفي مصري":
@denahany744 مستر انريكي ليه معملتش زي كل حفله بتعملها و طلعت بنت معاك علي stage و انت بتغني hero ها لييه
@mazen3la2 بتاخد كام كده يعني في السنة بالصلاة على النبي
@MOSTAFA_BLANCO السؤال الاهم..انت اهلاوي ولا زمالكاوي؟؟
@psychovich انريكي الفنان يقول ايه لانريكي الانسان ؟
@Eva69061316 انت حلمك تعمل فيلم من نتاج السبكي ورايك بالفن لي بيقدموه ؟؟
@KTaha80 إيه نوع الكشافات اللي بتستخدمها لما النور بيقطع في بيتكوا؟
@a_refaat33 هتتبرع بقد ايه من ثروتك عشان مصر
@meen_amira ايه رأي حضرتك في أوكا و أورتيجا ؟ وهل بتفكر الايام الجاية تعمل دويتو معاهم ؟
@guevara_the1 تعرف ربطه الجرجير فيها كام جرجيرايه ؟ عشان يسمحولك تدخل مصر بالسهوله دي .. طب تعرف تظغط بط
@ahmedsalah1312 هل كنت خايف ان الزمالك يلاعب الريال ف نهائي كاس العالم للاندية
@amrAA_96 كان إيه شعورك و انت بتبوس أنا كورنيكوفا في كليبك الغنائي ؟
@onoszahran طوعك قلبك و ضميرك انك تعمل حفله في مصر ؟؟ طب راضي عن نفسك ؟
@LotfyRiham الفنان عمرو مصطفى بيتهمك بسرقة ألحانه. ما ردك؟!
@ahmed_bebars هو انت أصغر فالسن وﻻ الهضبة أصل مش باين عليكوا الصراحة
@moho946 ايه رايك ف اغنيه انا مش عارفني للاستاذ عبد الباسط حموده
@Ke_Ro محضرتش فرح هنادي بنت فيفي عبده ليه ؟ في مشاكل بينكم ؟"
@ahmed_bebars سمعنا أن في عمل مشترك بين وبين الفنان مصطفي كامل تسلم الأيادي الجزء الثالث
@helfarouk هنفرح بيك امتي ؟ مفيش مشروع زواج /حب؟ و لو متجوز السؤال المحفوظ بتحلم بالابوبة؟نفسك تكون اب ؟؟
@abdelrhmanmoha1 راضي عن نفسك بالحفلة اللي عملتها في مصر ؟ مش خايف من ربنا ؟ طبعاً مش قادر تبُصيلي !*صوت ريهام سعيد*
@OmarrrSalem مش كنت تنزل تاكل فول فى عربية حكيرة وتتصور سلفى مع الهرم
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
