شن أبو إسلام مالك قناة الأمة الفضائية هجوماً ضارياً على من اسماهم “الغربان” و”الخفافيش”، من طالبوا الرئيس بالاعتذار عن سحل المواطن حمادة صابر، من قبل الشرطة فى أحداث الاتحادية الأخيرة، مرفقا هجومه بسيل من السباب للمتظاهرين.ونعت أبو اسلام المتظاهرين بأنهم “زبالة التاريخ”، واصفا المواطن المسحول بالـ”مجرم" قائلا:” مرسي يعتذر يا سفلة يا منحطين، كل الضرب ده علشان مجرم معتدى، ولأنكم تكلمتم عن السحل فلن نرفضه، لن نرفض السحل علشان منبقاش زيكم ومعاكم فى دايرة واحدة” وقد لاقى الفيديو العديد من التعليقات عند تحميله على اليوتيوب:
- الداخلية لا هي مع الشعب ولا هي مع مرسى بدليل الاعتداء على مقرات الاخوان والتراخى في حراسة المنشات مازالت فاسدة والتطهير مش بالبساطة اللي الناس منخيلاها
- الم يكونوا جنود وظباط ايام مبارك وكنتم تحللون الاعتداء عليهم لما تغيرت الأمور الأن يا منافقين
- الدين الاسلامي برئ من هذا الرجل الحقير
- لما كانت الشرطه بيضربكوهم ويبهدلوكم امن الدوله كانت كخه ودلوقتى بقم جنودنا وال بيحمونا وال بيتضربو ويتكلمو زباله عيب عليك يا شيخ
- كده بقي المفروض حسني مبارك يطلع براءة علي الاقل ماشوفنش كده في ايامه
- ربنا يحميك يا مبارك ياللي كنت حاجب عننا الخلق دي وماكانوش يقدروا يطلعوا في طبق اليوم حتى
- بالله عليكم يا شعب غاوى مسخره ايه الفرق بين سحل مبارك وسحل مرسى غير اضافه "بما يخالف شرع الله " ..
- يا شباب.. في كثير مقاطع له بيقول فيها أنه مش شيخ.. و أنه لا يمثل المتدينين... فبلاش سب في الدين و كلام وسخ على الشيوخ ... الراجل بيقول لكم أنا مش شيخ و لا أمثل الا نفسي... بتشتموا في العلماء و الملتزمين ليه؟؟؟ اتقوا الله ولا تعمموا
- انا اول يوم اسجل على اليوتيوب وصحيح الشيخ اخطأ بس للاسف التعليقات دى معظمها بيئة وخارجة من عالم زبالة ولا تمت لديننا الحنيف فهناك تعليقات تسب دين اللة والعياذ باللة وتعليقات تقذف الشيخ فى عرضة فالمسلم الحق لايرد الاساءة باساءة افظع منها هدانا اللة واياكم
- أبو إسلام يعاني من حالة بروجيكشن نفسي يحاول من خلالها رمي الآخرين بما فيه، حيث أن الشخص السافل والمنحط والمجرم يرى الآخرين سفلة ومنحطين ومجرمين من خلال اللاوعي لديه، ومثل هذه الحالات النفسية من الخطأ أن تأخذ أماكن قيادية في المجتمع، لأنها ستنقل له نفس المرض.
- اتقي الله يااخي عيب الالفاظ دي لما تخرج من شيخ ذيك والناس تسمعلك اتقي الله في نفسك
- آومآل آنتوآ كنتوآ بتعترضوآ ع آمن الدوله لية مش عشآن كآنت بتسحلكم
- بارك الله فيك ياشيخنا الجليل للاسف اتحدى ان يكون احد يعرف من هو ابو اسلام وجهوده فى الدفاع عن السنة ومكافحة النصير واسالو المئات بل الالف الذين اسلموا على يديه
- هو بيطلع ع التليفزيون عشان يشتم بس ؟؟ هو مش المفروض انه بيمثل دور داعية إسلامى ؟؟
- دلوقتى الداخليه حلوه وبيدفعوا ..فين ايام نفخكم فى السجون وكان كل الناس بتدافع عنكم ...
- يا جماعه يا ريت محدش ينشر اى حاجه للشخص دا عشان ميفتكرش ان فى حد اساسا بيتفرج عليه هوا يادوب يهوهو فى القناه بتاعتو و خلاص
- يارب يتعمل فيك زى ماتعمل في الراجل ده عشان تعرف ان الله حق
- لو كل عسكرى او ظابط غلط وحسبنا الريس علشانه يبقا مفيش رئيس هيقعد يومين على بعض بس مش معنا كده ان الشيخ يشتم بالتريقه دى بس يريت نلتمس له عزر فهو بشر ومن حقه يغضب ولو بتعتبوه على الالفاظ فى ناس ردت بالفاظ قبيحه زعلنين انه بيشتم وانت بتشتمه ربنا يصلح الحال
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
