قامت بعض ناشطات موقع التواصل الاجتماعي تويتر بإنشاء حملة بعنوان "هنلبس فساتين" رداً على بعض الأشخاص الذين يحملون لباس المرأة السبب في التحرش الجنسي وقد لاقت الحملة رواجاً كبيراً ومن أبرز التعليقات:
@AmrWadea الدولة لازم تحمي المرأة وتخليها تلبس اللي في نفسها، والمتحرش ليه سجن يلمه لحد ما يحترم نفسه
@samir_mashghoul 34m
@abraro700 الشخص الغبي التافه اللي يبرر للمتحرش جريمته ويلقي اللوم على الضحية عشان لبسها مش عاجبه هو عار على البشرية
@Michael_nazih من حقك تختاري لبس بتحبيه و انتي خارجة .. مش لازم نلبس اسوء ما عندنا عشان نتجنب المتحرشين!!
@MohamedElglaly تحياتي لـ حملة هنلبس فساتين ودعمي لـ كل " بنت " هتشارك في الحملة دي
@sararefaeii محجبة أو بشعري، لابسة فستان قصير أو عباية.. مش من حق أي حد إنه يتحكم في لبسي أو يتعدى على حريتي.
@KarimElkenany الثورة دى لازم تكون على التحرش وعلى الجهل وعلى التخلف والبنت المصرية هترجع لهويتها وأنوثتها وهتكون حره
@nameesarnous اشتريت فساتين كتير مالية دولابي بس للاسف مش عارفة البس ولا واحد فيهم، محتاجة حدث جلل وتامين حديدي عشان البسهم
@C_L_VIA ماشي و ماله بس الشارع يكون مجهز بعربيات أسعاف بقي تحسباً للي هيحصلي عقبال ما اوصل لأوله بس !
@Ayman_w_khlas البنات عملوا هاشتاج لطيف اسمه هنلبس فساتين "قالوا يحلموا مادام دا مستحيل يحصل ف الحقيقة" الجدير بالذكر انهم تم التحرش بيهم لفظيا على تويتر
@CarolineRobiel زمان كان من علامات تحرر المرأة انها تلبس بنطلون زي الولاد. دلوقتي عايزة ترجع للفساتين. فعلا شغل نسوان مش عاجبهم حاجة
@hanytosali الاقبال على هنلبس فساتين يدل على ان اغلب البنات مجبرة على القرف اللي هي لابساه والمرار اللى بتواجه كل يوم والمجتمع المريض اللى كلنا عايشينه
@Nehal_ElSukkary اصلا فكرة الفستان ممكن تبقى اكثر حشمة من بنطلون ضيق وتوب قصير حتى لو محجبة ! بس هيا قوالب محفورة في دماغنا .
@ReemMMousa لما البنات تتحرم من ابسط حقوقها خوفاً من التحرش!!! فى ناس بطلت تلبس فساتين من وهى عندها ١٢ سنة!!!!! اعتقد واضحة!
@akhamiis بجد ده كلام تمام لما البنات تعمل حملة هنلبس فساتين تعرف ان الانوثه هترجع تاني وهنشوف اميرات في الشوارع مش شوية الغفر اللي فكرين نفسهم بنات
@nameesarnous فيه كمية مرضى نفسيين بيكتبوا افكارهم السودة وغلهم بيظهر ضد البنات وانوثتها وتحررها هنا بشكل جبار !!
@NadaMBahgat اه الفساتين حاجة عبيطة، بس بالنسبالك. بالنسبة لمجتمع احنا اصلا مش عارفين نروح فيه مدرستنا/جامعتنا/شغلنا بأمان
@TheNostalgic_ ليه منكونش بلد متحضرة و البنات تلبس اللي نفسها فيه من غير ما تكون شايله هم ألف عين بتبص عليها وكأنها عمله جريمة. ليه ها ليييه؟
@Bassant_Ma أنا مش متخيلة ان شئ عادى جدا وبسيط جدا عامل ازمة لدرجة انه يبقى حلم بالنسبالنا
@NihalYsr زي أيام الستينات ، ومحدش له دعوة إحنا لابسين كدة ليه !
@nevine_zaki هو احنا مستنيين الهاشتاج ده علشان نلبس فساتين؟ انا بألبس فساتين وطز فاللي مش عاجبه :-)
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
