تمكن رجال الدفاع المدني السعودي بمنطقة تبوك من السيطرة على محاولة انتحار لفتاتين تسلقتا سور جمعية الملك خالد النسائية الخيرية، بحي درة تبوك وذلك بعد محاولات وجهود رجال الدفاع المدني والهلال الأحمر وعدد من المواطنين المتجمهرين لإقناع الفتاتين بالعدول عن قرارهما.وقد اثارت محاولة الفتاتان للانتحار موجة من الجدل والتعليقات المتضاربة في موقع التواصل الاجتماعي تويتر:
- اللي يقول بنتحر كذاب ، اللي بينتحر يسكر عليه الباب عشان محد يخرب! مو يروح قدام الناس يقول امسكوني
- وانتم ماتصدقون تلقون شي تطقطقون عليه ، البنات ايتام والله اعلم بظروفهن
- يعني الواحد إذا نط من جدار البيت يسمى محاولة انتحار ! سجل عندك ست مية الف محاولة انتحار فاشله"
- حتى لو همآ يتآمى الانتحآر مو طريقه لحل المشآكل النفسيه ولاعمرهآ رآح تصير حل
- تراهم ايتام ايتام ايتااام يحاولون يهربون من المعامله السيئه لحد يتريق عليهم ويستخف دمه ترى الدنيا دواره
- مجتمع ظالم بعيد كل البعد عن الانسانيه انتم السبب الأول نبذتوهم وهضمتم حقوقهم والحين تشمتون فيهم
- متاكدين ذول بينتحرون ولا شي ثاني ! وش ذا الكشخه والنظاره والفلات والسكني !
- ههههههههه ينطون من فوق جدار بيت وتسمونه ﺎنتحار ؟ طيب اللي ينط من فوق برج طوله كيلو وش يتسمى ؟
- الي سووه حرام حتى لو ما تنفذ بطريقه صح بس ما فيه احد يوجههم ومحد يعرف اش يحسوا ولا كيف عايشين حتى ...حل
- كان تركوهن اساسا لو قفزن ماجاهن شي .. ودفاع مدني ومكلفين انفسهم
- طيب خلوني اصير حمار مثلكم واصدق انها انتحار ليش العباية طيب ؟؟ ع أساس انتحار وفق الضوابط الشرعية !!
- الشعب صاير معفن ويمارس القسوة كهواية ويتلذذ بها ويسن حروفه ليطعن وهناك منافسة من طعناته موجعه اكثر
- محتاجين احد يوجههم ممكن يكون دكتور نفسي ممكن احد كبير يثقون فيه المهم انهم محتاجين توجيه ... شوية تقدير
- مافيه دخان من دون نار فيه شي دفع هالبنتين الى الهروب الله يكون بعونهم
- قبل تسولك نفسك وتضحك حاول تحط نفسك مكانهن واسأل ليش حاولن يهربن؟!(هي محاولة هروب مب انتحار)*
- على فكرة مش اسموا انتحار دا اسموا استهتار .. وليش يختي مشمرة و عاملة اكشن .. كانهم يتشموا .. الحمدلله
- محاولت لفت انتباه وبحث عن الشهره من هي التي ستنتحر من فوق سور قد ﻻ يصيبها بكسور حتى ؟!
- اوﻻ مو انتحار هروب من دار الرعاية لفتيات والله اعلم ماﻻسباب الله يكون بعونهم
- الله يعينهم. ايتام. وجمعيه. الحياه قاسيه عندما تكون وحيد. يجب التحقيق في الحادث.
- اتمنى ان يكون هنالك عقوبه لهم بالسجن لكي يجدون مكان ياكلون ويشربون ويعيشون فيه وبعد افضل من اﻻنتحار .
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
