لم يخلًً اليوم الأول من عملية انتخابات الرئاسة المصرية من الأحداث وقد يكون أبرزها، قيام بعض الناخبين المصريين باستقبال أحمد شفيق، أحد مرشحي الرئاسة في مصر، أثناء خروجه من اللجنة بعد الادلاء بصوته، برفع الاحذية في وجهه، وسط هتافات «يسقط يسقط الفلول»، كما وقام البعض بالقاء الاحذية عليه اثناء محاولته التوجه لسيارته. وقد انتشر الفيديو الذي صورت به هذه الحادثة على موقع اليوتيوب ولاقى العديد من التعليقات ومنها:
- اقل واجب ... الاعدام في الطريق يا شفيق
- قله ادب ... مهما كان ده ليس من اخلاق المصريين
- طول ما مصر فيها رجالة ضد كل فاسد وفلول مش هنرجع تانى خطوة لعهد المخلوع .. يسقط كل كلاب المخلوع يسقط كل من خان دماء الشهداء .. يسقط حكم العسكر
- الشخص ده تاني حد يتضرب بالجزم بعد شجرة الدر في تاريخ مصر
-اي واحد بيشجع ده اقوله يبقا انت فاهم الديموقراطية غلط - هو مش متوفرلك صندوق انتخاب ولا هي قلة ادب وبلطجة
- وده شرف ليهم اخيرا البلطجية عرفوا الطريق الصح وهو ضرب كلاب مبارك الخونة على فكرة يا جاهل شعب فرنسا ضرب ساركوزي بالبيض والجزم 3 مرات ويا جاهل شعب امريكا ضرب بوش بالبيض 5 مرات وعلى فكرة يا جاهل الحرامي شفيق الي وزع أراضي الدولة على حبابية خسارة فيه تمن الرصاصة لانه تلميذ نجيب لمبارك الخائن صديق اسرائيل وحليف امريكا
- أذا كان شفيق قال : العباسية بروفة لمن سيعترض على فوزى فالشعب بيقوله : ده بروفه بردو
- لو هى ديه الديمقراطية يبقى ثورتنا فشلت و هما عملين ليه صناديق أنتخابات الشعب يقول عايز مين و يقول برفض مين و على فكرة إللى حصل ده قلة أدب مع العلم أنا ضدد شفيق
- بالنسبة للراجل اللى بيقوله انت طيار و اكبر من كده يا ريس , احب اقوله : شفيق .. طير انت
- حسبنا الله ونعم الوكيل بجد ديه قلة ادب وهى ديه الديمقراطيه بجد ناس همج عايزين الحرق
- اللى حصل دة قلة ادب مش عارف امتى هنختلف مع الاخر بوعى وثقافة واحترام دة اسلوب ناس همجية وعلقوا بقا براحتكم واشتموا وقولوا اللى انتوا عايزين تقولوة
- هذا أقل مما تستحق...لعنة الله على كل من تلوثت يداه بدماء وأموال المصريين
- ملحوظة من باب الانصاف.. الجيش لم يتدخل لحماية او تأمين شفيق.... ويسقط يسقط الفلول
- احلى حاجة الجزمة اللى طايرة فى الهوا فى اخر الفيديوا, هههههههههههه. دة اقل واجب مع الفشيق.
- واللى بيضرب بالجزم ..هتلف الايام وتدور هينضرب بالجزمة ولا ايه هى مش الايام دوارة فى كل حاجة
- مش ممكن دول يكون من شعب مصر بصرف النظر عن شخصية السيد شفيق
- و اللي يسرق و يهرب فلوسنا و يسبنا نتقتل ويدمر بلد بالكامل ده معندوش سوء تربيه بس ده عندوا مرض ف نفسوا و كره للمجتمع و هو مجرم مكانوا متعلق ع حبل المشنقه
- انا من قبل الفيديو كنت متضايقه اوووى و كنت هعيط خلاص ., لكن بعد ما شوفت الفيديو انا مش قادره امسك نفسى من الضحك ., تسلموا يا رجااااااالة مصر.
- هذا حصل وهو رايح ينتخب طيب لو يصير رئيس أش راح يحصل
- اعتقد ان عيب اللى بيحصل ده هيه دى ا الحريه اللى انتم عايزينها الواحد يختلف بس مش بقلة الادب البلد فيها مشاكل كتيره كل واحد ينتخب اللى عايزه ونحترم اراء بعض لك الله يا مصر
-نتعلم اننا لا نتعامل مع الظالم علشان غضب ربنا ممكن يشملنا معاه ، ربنا يحفظنا
شاركنا برأيك في التعليقات: هل تعتقد أن المرشح الفريق أحمد شفيق يستحق هذه المعاملة؟
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
