مع اقتراب الموسم الدراسي في مصر والمقرر يوم الاحد 22 من الشهر الحالي، قام عدد من المغرديين المصريين بإنشاء هاستاغ ساخر بإسم أسباب تخلي الدراسة تتأجل وذلك للاقتراح اساليب واسباب فكاهية لتأجيل الموسم الدراسي:
- احنا نطلع اشاعة ان فية ضرب قدام كل مدرسة :D في حل جذري بس صعب المدرسة تولع
- عايزين وقت بدل ضايع عن كل يوم حظر واسبوع بدال بتاع الثورة المجيدة ياحكومة
- انا بقترح جديا تأجيل الدراسة كام سنة لحد مايغيروا المناهج كلها و تشتغلوا فلاحين فى الصحراء عقبال ماينتهوا !!
- علشان مش عارفين نحط صوره مين رئيس مصر في الفصول
- علشان في عماره بتتهد جنبنا وعمله لنا صداع ومحدش هيعرف يذاكر
- الدراسة من الساعة ٦ لحد الساعة ٣ غدا و نوم لحد الساعة ٧ دروس لحد ١١ ، الواحد يصيع امتى مش في زفت حظر تجول !!
- اننا هنروح المدرسة عشر ايام بعد كدة تيجى اجازة العيد يبقى ايه لزمته ما يخلوها بعد العيد على طول
- السيسى ابن السيس ..يواجه الارهاب اللى ظهر فاجئة فى الجامعات والمدارس :D
- ان الواحد اخيرا كان عايش حياته و قاعد في الساحل و فجأة يرجع للغم و النكد في ارض الواقع تاني
- ان احنا مخدناش اجازه ان البلد كلها مظاهرات و ارهابيين ان العالم داخل على حرب عالميه تالته
- زي ما مديتوا حالة الطواريء تمدوا الاجازه
- ان مفيش تعليم محترم اصلا كله حشو كلام ف المخ
- في حظر يعني الدراسة تتأجل !!
- دراسة اصلا وسخة ولا ليها اى 60 لزمة بتخرج اجيال متخلفة عقليا زى اللى بنتعامل معاهم كل يوم ! الغوها احسن
- ايه دا !! هو احنا لسة اخدنا الاجازة عشان نبدأ دراسة !!
- اني أروح شغلي ف معادي ومتاخرش بسبب زحمة الطلبة الصبح
- "تم تأجيل الدراسة الى أجل غير مسمى" جملة نفسي أسمعها أنهردة قبل بكرة.
- الدراسة الحد اللي جاي خلاص مفيش تأجيل تاني؟ اه ؟ طيب ممكن حد يخطفني؟
- تسريب عن تفجيرات مدارس يقوم الناس تخاف تودي ولادها وبعدين يقبضوا على ناس يقولوا كانت حتفجر مدارس الناس تقول نرجوكم تأجيل الدراسة تأجيل شيك
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
