أثارت تصريحات الرئيس المصري محمد مرسي خلال مؤتمر " حقوق وحريات المرأة المصرية"، عن الثلاث أصابع" التي تعبث داخل مصر والتي وعد بقطعها، موجة سخرية على مواقع التواصل الاجتماعي الفيس بوك وتويتر، ومن أبرز التعليقات الساخرة التي جاءت على هذه التصريحات:
- حمدين راح الامارات يا مرسي كانت فين الكلمتين بتوع الصوابع الي بتلعب دي من زمان اهي الصوابع بتهرب صباع صباع
- بعد تصريح مرسي عن الصوابع تم تغير الشعار من "صبح صبح ياعم الحاج" إلي "صبع صبع ياعم الحاج"
- مقلناش إذا كانت الصوابع اللي بتلعب في البلد دي لابسة جوانتي طبي ولا لاء لحسن تكون مفيرسة ولا حاجة ونتعدي كمان تبقى مصيبة !!
- تحب أقولك مين الصوابع اللي بتلعب ف البلد . مكتب إرشاد ، خيرت شاطر ، بديع ، جماعة وسخة .. هي دي بقى الصوابع الحقيقية اللي بتلعب ف البلد
- اضرب يا مرسي بصوابع من حديد.. وريهم يا ريس حمشنتك لما تزمجر، وفعلك لما تفعل.. دول متآمرين على النهضة يا ريس وبيلعبوا بصوابعهم
- مافيش داعي تقولي لجوزك أنا عاملة لك أكله حتآكل صوابعك وراها أحسن مرسي حيفضل يدور على الصوابع طول عمرة وهي في المجاري
- المفروض الجماعة تدي مرسي دروس تمثيل لادوار الميلودراما لان اداؤه وتعابيره كوميدية،خطاب امس كان كوميك موووت خصوصا موضوع الصوابع و"سوف افعلها"
- يا مرسي لو انت دكر اقبض على كل الصوابع يا مرسي وخلصنا واقبض كمان على كل قيادات جبهة الأنقاذ يمكن تبرد شباب الجماعة وانت شخصيا تبرد
- بجد ياريس مرسي بعد موضوع الصوابع دا انا ابتدت اشك ان باسم يوسف بيدفعلك فلوس عشان تقول الكلام الغريب دا بس هي دي الفلسفة
- بس مرسي مقالش الصوابع الي بتلعب دي صوابع بطاطس ولا صوابع زينب :)))
- والله مرسي ده حويض بقاله 8 شهور مش عايز بقول مين اللى بتأمورو على الوطن أسرار. بس كلوا إلا الصوابع اصل مش ناقصه كده كفاية
- المفتش كرومبو : الصوابع اللى اتكلم عليها مرسي هى : صوابع كفتة .. صوابع محشى .. صوابع زينب. لو عرفت متتصلش .. خللى بالك م الصوابع بس :))
- انتو زعلانين من مرسي عشان الصوابع ... دا لسه واخد دكتوراه في الفلسفه .. اسألوا شعب باكستان هايفهمكم
- هو مرسي فعلا طلع يتكلم عن الصوابع و الجو ده !!!!! هي مشكلتنا في السولار و الاكل و المواصلات بسبب الصوابع
- المعارضة العلمانية هتندم على رفضها للحوار لما كانت ايد #مرسي ممدودة. اتوقع ان من انهاردة ايده هتمتد لقطع الصوابع بس
- كل يوم مرسي بيسلم نفسة تسليم اهالى لباسم :D والجديد موضوع الصوابع دا بقي باسم المفروص يعمل مرتب شهري لمرسي ويضمة معاه في "كاست البرنامج":
- ايه الخطاب الجامد دا يا مرسي يا جامد بقا بس سؤال معلش انت ايه حكايتك مع الصوابع تحولنا من الطرف التالت واليد الخفيه ..الى الصوابع الخفيه
- انا مشفتش خطاب مرسي و مش مستغرب انه اتكلم عن الصوابع و مصدق. توقعوا منه اي حاجة يا جماعة. إنسان غير مؤهل اطلاقاً انه يدير بيت هيدير دولة!
- يا مرسي عيب قصة الصوابع مش كل يوم تؤكد انك لا تستطيع الكلام باي لغة و الكلام في غير موضعه في حاجة اسمها علم الكلام اسال عنه وارحم الشعب
- طيب بعيدا عن الصوابع. منحدر الصعود ازاي... مش كده يا مرسي
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
