أطلق مجموعة من المغردين المصريين من معارضوا المجلس العسكري حملة على تويتر تحت عطل عربيتك ع الكوبري وذلك كنوع من انواع الاعتراض عن طريق شل حركة المرور وارباك الدولة وجاءت التعليقات على الهاشتاغ ما بين المؤيدة والمرحبة والمعارضة:
- دلوقتي كل واحد عربيته عطلانة في اي حتة هيبقي مشتبه فيه ولا عزاء لاي حد عربيته عطلانة فعلا, برافو
- طب أفرض فى واحد عيان و أنتوا قفلين السكة هيعمل إيه هو !! أفرض فى واحدة فى سن أمك بين الحياه و الموت هتعمل إيه
- بس ابقى خليك راجل وعرف الناس انك ثورى مش عطلان علشان يساعدوك ويركنوها فى النيل
- احلى حاجة الناس اللي بتقولك بيعملوا كدة عشان مرسي! مرسي راح زمانه خلاص
- فاعليات الاخوان الحالية كتعطيل الكوبري و اعتصام لا تدل علي شئ سوي الفشل و الهطل.
- و عطل الناس عن مصالحها و عطل مريض انه يوصل للمستشفى و وقفوا الدنيا بقى .. جتكوا نيله
- مشوفتش غير عربية واحده صاحبها موقفها فى نص الكوبرى الدائري عند نزلة الجيزة ويقولك حملة
- إيه الجديد مش فاهمة !! دى تبقى ظاهرة كونية تستحق الدراسة لو العربيات معطلتش على الكوبرى اصلا
- ده اسمه عقاب للشعب قبل ما يكون عقاب للسلطه و علي فكره انا كنت ضد البلاك بلوك في موضوع المترو ده
- بس ابقى اسال عن شركات متخصصة تقدر تنتشل العربية من النيل باسعار تشجعك على تكرار الموضوع
- بسيطة لو مش إخوان هنصلحهالك لو إخوان هنحطك جواها ونرميها من فوق الكوبري
- طب الإضراب بيبقى هدفه اننا نرخم ع السلطه . لكن تعطيل العربيه ع الكوبري ده هدفه الترخيم على مين ؟!
- إعلام الفلول يتخبط , حيرتونا معاكم في إعتصام في المترو ولا مفيش , في زحمة ولا مفيش ؟
- ولما البلد تعطل بقي ما هيبقي علينا وعليكم انتوا بتقرفوا بعض قبل ما تقرفونا علي فكره
- المشكلة فيه ناس فعلا عربياتهم بتعطل علي الكوبري ح تظلموهم لو الناس قررت أنها تصادر العربيات ديه لغاية مرسي مايرجع
- استمروا دا لو اقوى مخابرات العالم بتخططلكوا علشان تدمركوا مش هاتقدر تعمل اللى بتعملوه فى نفسكم
- و سيب الباقي علينا .. انت عملت اللي نفسك فيه و احنا كمان هنعمل اللي نفسنا فيه
- مش ده قطع الطريق اللي شيوخكم قالوا انه يُعاقب "بحد الحرابه"؟؟؟عطل عطل ..ماهو ده تمامك
- ده علشان لو في مريض يموت ولو في واحده بتولد تولد في الشارع ولو في ولاد راجعين من المدرسه يتأخروا!! انت اكيد أهبل
- احب انا الثورجي الي كان قافل ميدان التحرير بال6 شهور ايام مرسي وعامل فيها الحنين علشان مشاغل الناس
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
