بعد قرار اللجنة العليا للانتخابات الرئاسية في مصر تمديد فترة الانتخابات الرئاسية يوماً اضافياً لتصبح ثلاثة أيام بدل من اثنان قام عدد من مؤيدي المرشح الرئاسي حمدين صباحي ومن نشطاء تويتر بتدشين هاشتاغ "انسحب يا حمدين" لمطالبته بالإنسحاب من الانتخابات الرئاسية، ولم يخلو الهاضتاغ من بعض التعليقات الساخرة:
@Elbaih_FreeDoM انا لا اؤيد قرار حمدين صباحي ومع ذلك لا اخوانه ومع قرار الانسحاب لاخر ثانيه
@megaomar2 انسحب يا حمدين والثوره الجايه هتبقي على نظيف
@Dolcica07 حمدين سحب المندوبين بس هوا ما انسحبش :P :P ايه الانسحاب الي مدي على أبو الفتوح ده؟؟؟
@megaomar2 انسحب وحافظ على ماء وجهك ولا تعطي شرعيه أكثر لهذا السفاح
@fathyvic بص يا حمدين يابني عدد اللي عايوزينك تنسحب اكتر من اللي انتخبوك خد مني يابني
@MedcoAhmed نسحب يا حمدين المسرحية خلصت ورجعنا 30 سنة للخلف لا في ثورة اتعملت ولا شهداء ولا أي مطلب هيتحقق كله ضاع
@m_shendy موقفك مخزي لااجد اي مبرر لقرار استمرارك في هذه المهزلة .اين المنهج الثوري في قرارك ؟ اليوم تفقد احترام كل من ايدوك من الشباب
@loyaltyesmaeel انا مش فاهمة مشكلتك ايه يا حمدين ماتم فتح الشهر العقاري يوم اجازة ومازعلتس وتم المد للمصرين ف الخرج ومازعلتش ايه انت مالك ?!
@AhmedBarca78 حتى الان مش مصدق انك كومبارس يا حمدين ومازلت احمل لك الكثير من الاحترام..لكن ارجوك متخلنيش اغير رأيى كفاية كدة
@mostafa31902690 صدقنى يا حمدين والله العظيم هتندم و هتقول يا ريتنى سمعت كلام الشباب
@fouadwogieh وﻻ مينسحبش ما عادتش تفرق سينا من سونيا
@MohamedMoshageb كل الشباب اللي أيدوك وقاطعوا بيقولولك انسحب يا حمدين لو خزلتهم تبقي خزلت ثورة 25 يناير وبعد ما الكل إختلف عليك الكل هيتفق انك كومبارس فعلا
@zizo_v عمرك شوفت كومبارس مبيكملش دوره للنهاية علشان شايف أبطال الفيلم بيخرجوا عن السناريوا المكتوب ؛)
@eslammisr1990 بالنسبه للاخ حمدين اعملها بقي وخلصنا اه انت كده بقيت مشترك معاهم بس اهو حفاظا علي ماء الوجه انسحب يا حمدين
@mohamed_thwragi و للعلم أن دكتور محمد البرادعي لو كان مكان حمدين كان انسحب لانة ضمير الثورة
@rebelkiwan مش فاهم يعنى يعنى سحب المندوبين ضغط علشان اللجنه ترجع فى كلامها مثلا لما كان فى مندوبين وجبت انتهاكات امال من غير مندوبين؟
@Hamsa_Hussien اللى بيطالبوا حمدين انه ينسحب هم نفسهم اللى قالوا هننتخبه علشان يبقى فى معارضة قوية ضد السيسى للاسف مستحملوش اللى شافوه
@HanyGalal_ اذل واضعف من ان ينسحب حتي لو العالم اجمع ان الانتخابات يتم تزويرها
@AmmarMaro3 كرامتك وكرامة اللي في حملتك واللي انتخبوك .. بقرار منك يا حمدين
@i_abdelrhman حملته قالتله انسحب يا حمدين ف سحب المندوبين و منسحبش هو !! اهو كدة التزوير يبقى اسهل و ميخرجش عن الدور المرسومله برضة و لا يبوظ الصفقة
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
