طرحت وزارة الصناعة والتجارة والتموين الاردنية عطاء البطاقة الذكية، والتي ستكون مخصصة لدعم أسعار الخبز الذي يستهلكه الأردنيون، بحسب مصدر حكومي مطلع. واثار هذا الخبر موجة من الجدل والتعليقات الساخرة في موقع التواصل الاجتماعي تويتر:
- سؤال المليون يورو، مين اخد مشروع البطاقات الذكية؟ :)
- قريبا في الأردن ضريبة على الأكسجين وبصيرو يعطونا بطاقة ذكية نتنفس فيها
- والله النسور قاعد بيخترع شعارات للمترشحين للبلديات والنواب ... عشان يصيرو يحكولك "معا لنطعم الشعب الخبز المدعوم "
- طبعا الدعم اكثر شي رح يكون لشهرين بعدين بوقف زي دعم المحروقات اللي استحمروا الشعب فيه
- في قضية كهذه شو راي نقابة اصحاب المخابز .... وردت فعل اصحاب المخابز والفرانات
- سؤال: كم العمر اللي بيصرفوا عليه دعم للخبز؟ يعني الاطفال اللي عمرهم سنتين الهم دعم ؟؟
- بكرا بس تروح تشتري خبز رح تحس حالك من اصحاب رؤوس الاموال وانت بتطلع بطاقة الدعم خبز فيزا كارد ، عارفنا بنحب المظاهر
- الحكومة بدها تساعد الشعب ينحف ويصير رشيق لليش هو الخبز اصلاً هو اساس النصاحة بلا منو :)
- الله يرحمك يا حجة ماري انطوانيت لما قلتي خلي الشعب ياكل بتيفووورر والله انك فهمانة.
- الحكومه الرشيده ... تهمها مصلحة المواطن لدرجة حابه تعلمه الاتيكيت ... ليش الخبز ... مالها الشوكه والسكينه :-)
- متخيلين عدد حالات الطلاق الي ممكن تصير لما الزلمة ومرته يروحو يحاسبو والمدام تطلع ناسية بطاقة
- شو أكثر أسباب الموت في الأردن ؟ الجلطة, السرطان, القتل بسبب تضييع البطاقة
- لما تتواصل يومياً مع شريحه واسعه من الطبقه الكادحة بتعرف انه في ناس عايشه برعب لتأمن رغيف الخبز. سنحك على هالقرار
- حيصير الأخ الأكبر بالعيلة أو المرضي عنه هو الي حامل بطافة دعم الخبز بالاردن كنوع من البرستيج والتمييز اله مما يسبب مشاكل بين الأخوة
- ربنا له حكمة،كانو الناس يتريقو على اللاجئين في المخيمات وهم واقفين عالدور و معهم بطاقة المؤن،هلأ صار عنا زيهم بطاقة
- صلا احنا غيرنا اربع حكومات بس لأنه ولا وحدةفيهم رضيت تنفذ هالقرار.. بس حبيبنا النسور غير :)
- قريبا راح نسمع اغتيال مواطن يعمل بيده كيس خبز حمام وكيس قرشلة
- فكرة كريدت كارد الخبز لازم تفوز بجائزة نوبل للفساد
- انا مني وعلي رح اعمل فته عدس بالبسكويت المملح ...ومنها بنختصر الليمون كمان
- بنحكي : " خبز ، حرية ، عدالة إجتماعية " الحكومة بترد : " كرت دعم ، تسكير مواقع ، ضرايب بس عالفقرا"
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
