أثارت قضية الطفلة المصرية "زينة عرفة" ذات الـ 5 أعوام التي تعرضت للاغتصاب على يد ابن راقصة وابن بواب وحينما صرخت طلباً للمساعدة ألقوها من الطابق الحادي عشر الراقصة استصدرت شهادة لابنها بأنه مريض عقليًا، وابن البواب نفى التهمة في حين أثبت الطب الشرعي شذوذ الاثنينن، موجة من الجدل والتعليقات الغاضبة في موقع تويتر:
@MahiitaboO عمرى ما عيط على حد معرفوش كدا فى الجنة يا عصفورة الجنة
@rahmaadel2 لما السفاحين اللى ماسكين البلد يتحاسبوا على دم الاطفال اللى كل شوية يسيل ابقوا تعالوا حاسبوا ابن البواب
@BazZ_m7md مش حرام طفلة زى زينة تروح .. مش حرام !! .. زينة كان عندها 5 سنين دى لو قطة حرام يعملو فيها كدة
@NadaElfeshawy ربنا بيحبك يا زينة هتدخلي الجتة منغير حساب..ربنا محبش انك تعيشي فـ الدنيا دي حب انك تكوني ملاك و تفضلي ملاك
@Shrouk_m7moud في البلد دي اللي يموت بيكون حقة عبارة عن صور تتحط في تويتر أو الفيس اكتر من كدا مش بياخد ,, يلا كللو هيحط صور زينة زي ما حطو جيكا واللي قبله
@HabeebaSabry طب و زينة دي كانت لبسة ضيق؟ كانت ماشية بتضحك بصوت عالي؟ عشان تعرفوا إن البيحصل في البنات ده ملهوش دعوة باللبس ده طبع وسخ فالانسان
@habiba_khaliid كلمه من اربع حروف حرقت قلب شعب زينة .
@DimaAymn الكل عرف بقصة البنت زينة اللي اغتصبوها .. بس مفيش اي تحركات بعد كل ده !!! دي صغيرة ..طيب احنا الكبار هيحصلنا ايه !!
@MerooKamel أزاى سيبين البلد تضيع منينا كدا و الناس عمالا تموت قدمنا كدا واخرهم زينة،،،،،فوقوا بقى،،،،الله اعلم ادور الجى على ميين!
@ranaallam95 قتلوكي يا زينة البنات حرموكي من أجمل زكريات قتلوا البراءة الي في عينيكي و قضوا على حياتك بقلب مات
@looulieySMhmd كلو نفسة نرجع حق زينة واحنا من امتا بنرجع حق اى حد مات فى مصر ظلم دا و احنا عايشين مش واخدين أبسط حقوقنا هناخدها و احنا ميتيين
@lOma96389587 لم طفلة بريئة عندها 5 سنوات تقتل بكل وحشية على ايدى مغتصبوآدى مش قضية زينة بس قضية كل بنت كل طفلة كل ام
@TasneemGamal56 لو احنا بلد بتاعة حق بجد المفروض المجرمين فى قضية زينة يتاخد معاهم حكم رادع عشان يكونوا عبرة لاى مجرم بيفكر يلمس بنت سواء طفلة ولا كبيرة
@RehamMustafaa اللى معندوش أكتئاب من اللى بيحصل في البلد دى، يروح يتعالج.
@YomnaTarek98 زينة عرفة طفلة عيد ميلادها و ميتمها في نفس الأسبوع و كل دا عشان كائنات معرفش أسميهم بشر
@FatemaShaaban حزن آخر يضاف للقائمة. كلنا زعلانين اه، بس اللي بيثور ضد الظلم و الفساد هو الي حيجيب حقها. مش اللي عمى عينه عن الحقيقة و رضى يقتل ضميره
@noursaied_ مش قادرة اصدق اللي سمعته و شفته عن زينة 'و لكم في القصاص حياة يا أولي الألباب' ربنا يرحمها
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
