بعد اجتماع المشير عبدالفتاح السيسي مع عدد من الإعلاميين المصريين للإجابة على بعض أسئلتهم قام عدد من رواد موقع تويتر في مصر بإنشاء هاشتاغ بعنوان #سؤال_لن_يسألوه_للسيسي ويتضمن الأسئلة التي من المستحيل أن يقوم بسؤالها الإعلاميين على حسب وجهة نظرهم:
@omar_t2 لما إنت عارف إن الدستور يمنع الأحزاب الدينية لماذا قابلت حزب النور والسلفيين وقبلت دعمهم ؟!!!
@melmegharbel لماذا يؤيدك كل اعضاء الحزب الوطني والمنتفعين من نظام مبارك؟
@Saminof بعد ٤ سنين هتترشح تاني؟ طب بعد ٨ سنين هتغير الدستور عشان تعقد اكتر بحجة تنفيذ خريطة المستقبل؟؟
@ahmedshaban3 ماذا تفعل لو خرجت الناس ضددك وقالولك ارحل هل ستقول عليهم اخوان
@ahmed56734 كنت عارف وانت بتعيط قدام جهاز الكفته ان عبعاطى عليه حكم ؟
@Muh_Magdy هل تملك رؤية واضحة للأستثمار في الدول الافريقية غير المُطلة على حوض النيل ؟
@MTito_ هتعمل أيه ف قانون منع الطعن من أي طرف ثالث ع عقود اللي تبرمها الدوله مع المستثمر الاجنبي وده قانون مافيش زيه ف أي بلد
@reecevamp1 لو حصلت مظاهرات بعد ماتبقى رئيس تطالبك بالرحيل هتعمل ايه ؟! هتسيب الحكم ؟...وﻻ هتنفخهم
@DrModyClinton لما الاخوان وحشين كده سكت عليهم سنة كامله ليه .. ولو الناس مكنتش نزلت 30 /6 كنت هتفضل تدي التحية لمرسي
@hamedsoliman2 هل ستظهر في برامج ولقائات مباشره ام ستظل تسجل جميع لقائاتك ؟
@Mimo186 هل سمعت عن ملفات الفساد بالمليارات التي كشفها رئيس الجهاز المركزي للمحاسبات وتجاهلها النائب العام ؟!!
@AminaFouad3 اية راءيك في الفحم كبديل للطاقة؟ طب حتحل اثارة الصحية ازاي؟؟ طب انت بتاع اخلاق هو من الاخلاق مضر صحة المواطن؟؟
@AminaFouad3 السيسي بيقول ماقدرش احل كل المشاكل في سنة؟؟ طب لية شلت الاخوان بعد سنة؟؟
@nasserradwan بجد إنت مصدق موضوع إن علاج الأمراض بشيش كباب و صباع كفته ؟
@Hany__m هل تعلم ان اساسا ترشحك للرئاسه يمثل اهانه للشعب اللي نزل 30/6 و اهانه لمؤسسة القوات المسلحه واهانه لمصداقية رجالها؟
@amr_ghaleb لية تعمل زي الاخوان هما يحتموا بالنسوان فى المظاهرات وانت تحتمي بيهم فى الانتخابات ؟
@MoqawmaHE هل ستسعى لإستعادة أموالنا المنهوبة في الخارج من مبارك وشلته ؟!!
@motaa_1984 كم شخص تم اعتقاله او قتل ظلم وكنت متسبب بشكل مباشر او غير مباشر عن ذلك ؟
@Never_forget_74 من المسؤل عن إختراق حماس لمصر ومشاركتها فى إقتحام السجون كمان تقول التحقيقات فى الوقت الذى كنت فيه رئيساً للمخابرات؟!
@samyqupash اذا علمت وانت رئيس ان هناك انتهاكات تحدث للمعارضين لقراراتك ماذا سيكون رد فعلك؟؟؟
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
