رفعت الشبكة القطرية دعوى أمام قضاء الامور المستعجلة ضد تلفزيون لبنان بسبب قيامه ببث مباريات كأس العالم، واثارت هذه الدعوى ردود فعل واسعة بين اللبنانيين، ففي موقع تويتر أطق عدد من النشطاء هاشتاغ بعنوان "تلفزيون لبنان نحن معاك" :
@tarikdem نعم لمقاطعة تجار الجشع والإحتكار
@SafaaAyoubi ما بدن شي يبقى للدولة والشعب بهالبلد بدن كل شي يكون خاص تا يتحكمو بالناس على كيفن ويحضروهن كل شي بمصاري
@SarahHaddad7 لانك تلفزيون لبنان و شاشة ذكرياتنا الحلوة
@daywood بدل ان تكون الحكومة حريصة على حقوق تلفزيونها الرسمي توصل المرشح الدائم الى صفقة لا تلحظ حقوق
@RikardoChidiac بعد ما تخلص هالقضية ما لازم نوقف هون TL هو تاريخ و ضمير الناس و لازم كلنا نكفي به الوحدة و ندعمو ليرجع مثل ما كان
@warakwarak1_1 الشركة رفعت الدعوى لأنها بتعرف دولتنا حيطها واطي والمسؤولين عنا برخو متل الدجاجة من الخوف
@jemnina_1 انو ببلد ما في قانون وفلتاني احلى شي وقت لبدون بيمشوا القانون وهني ما بيعرفوا القانون الا لبيعزفوا للرقاصات علي
@NizarHamadeh عار علينا تلفزيون الوطن يتجرجر الى المحاكم
@lebnenonline ادعموا الحملة الوطنيه ضد عصابات المافيا الاعلاميه في لبنان يحق لفقراء لبنان ان يشاهدوا المونديال
@Mega_Bibo والله هالمحاكم اللبنانية بطلت شايفة الا الفقرا تحاكمون .. شو الظاهر كتراني برطلة الغنايا ورشاوي المتمولين
@carlamatta87 اليوم يساق تلفزيون لبنان ومعه كل فقراء لبنان الى المحكمة”
@tonysamia قاتل وحارب ليتمكن كل مواطن لبناني أن يبقى بكرامته ككل الشعوب
@mazensabra1 اصل الحركشه من شركة سما ومافيات المال بلبنان لازم يخافو عرقابن برأيي هني والقطريه احسن ما تصير قضيه قوميه ينضبو
@ziad_salameh انشالله مش بس يخلص المونديال تنسو تلفزيون لبنان!! تلفزيون لبنان نحنا معك بعد المونديال كمان.
@HNB_Malwa متل ماوقفتوا مع الشعب ودافعتوا عن حقه،الشعب اليوم قلبه معكن وداعمكن وإن شاء الله بتكملوا للنهاية
@abo_abse قد ما نتمسخر على برامجك بس وقت الجد املنا فيك كبير ومعك قلبآً وقالباً
@YAMAHDY63 دولة الاحتكار والامتيازات تحارب مؤسساتها الرسمية دولة تجار
@love_Zaina11 للاخر وكل الدعم لالك التلفزيون اللي كسر كل القوانين الفاشله ضد المحتاجين والفقراء
@za_akr أكيد نحنا معك مع أنو أكتر من نص ألشعب اللبناني ما فكر فيك إلا لأنو أضطر يحضر كأس ألعالم ..!!!!!
@fouadkhreis لانك الشاشة الوحيدة يلي سمحت للفقراء يتابعوا المونديال
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
