بدأت في الثانية عشرة من بعد منتصف ليل يوم الأحد مرحلة الصمت الانتخابي في مصر، التي تستمر حتى نهاية التصويت مساء يوم الخميس المقبل،وهو الموعد الذي تعقد فيه الانتخابات الرئاسية التي تجرى يومي الأربعاء والخميس المقبلين، ويحظر الصمت الانتخابي على المرشحين ومؤيديهم أو وسائل الإعلام ممارسة أي أنشطة دعائية من شأنها التأثير على قرار الناخبين قبل الإدلاء بأصواتهم.وقد أثارت مرحلة الصمت الانتخابي موجة من التعليقات الساخرة بين اوساط رواد موقع تويتر ومن هذه التعليقات:
@George_Sabry حملة شفيق تكسر الصمت الانتخابي بتويتة .. رغم انه اكتر مرشح مستفيد بالصمت عشان ميخسرش اصوات اكتر
@MinaAsaaad ﺑﻤﻨﺎﺳﺒﺔ ﺑﺪﺀ ﺍﻟﺼﻤﺖ ﺍﻻﻧﺘﺨﺎﺑﻲ ﺍﺣﺐ ﺍﻗﻮﻟﻜﻢ ﺍﻟﻤﻔﺮﻭﺽ ﻛﻠﻨﺎ ﻧﺒﻘﻲ ﺣﻤﺪﻳﻦ ﺭﺑﻨﺎ ﻋﻠﻲ ﻛﻞ ﺣﺎﺟﺔ ... ﻭ ﺻﺒﺎﺣﻲ ﺍﻟﺨﻴﺮ ﻋﻠﻴﻜﻢ ﺟﻤﻴﻌﺎ.
@mnabih123 الصمت الانتخابي بدأ؟؟؟؟...أنا ما لحقتش أشرب!!!!!
@AhmadElShennawy استمتع بنعمة الصمت الانتخابي .....كان فينه من زمان
@bebo_pharmacy في لحظات الصمت الانتخابي ليس أمامنا سوى قراءة الفاتحة على أرواح من صمتوا للابد ومنحونا الحرية !!!
@Perry_Heesham الصمت الانتخابي ...... يعني المرشحين يطلعوا يكلمونا على التلفزيون بــ الإشارات"
@al_kahled اليوم بداية الصمت الانتخابي محدش بقى يقلي مرسي وابو الفتوح ده اسمه صمت ياابني منك ليه اشششش
@amrabdelkerim يأسلام لو الصمت الانتخابي للناخبين كمان...و ميكنش انتخابي بس..واللى يتكلم ملوش انتخاب
@amragamawi هل لو الواحد مراته كلمته عن مرشح وحاولت تقنعه بيه خلال اليومين دول… ممكن يبلغ عنها وتتحبس؟؟؟
@Ibrahim_Elgarhi الاخوان بيجهزوا فيديوهات للدعاية بلغة الاشارة استعدادا لمرحلة الصمت الانتخابي
@anasmagdy25 قالوا فيه فترة للصمت الانتخابي .. الناس سابت الكلام عن الانتخاب ، ومسكت الكلام عن الصمت نفسه.
@TatWeTat هل كان مفروضا على لجنة الانتخابات إبرام بروتوكول تعاون مع إدارتي فيسبوك وتويتر بحيث يتم عمل بلوك أوتوماتيك لكل من يخرق الصمت الانتخابي
@yousrhammad طب مدام فيه صمت انتخابي نقضيها نظرات بقا .. اكش لك عينى يبقا ابو الفتوح .. ابربشلك يبقا حمدين .. ازغرلك جامد يبقا خالد على
@Ahmed_Swidan فهموا عندنا الصمت الانتخابي غلط قاطعين النور من بعد الساعة 12 بالليل لغاية دلوقتي وخايف لايفضلواقاطعينه لحد الانتخابات.
@himahelaly ﻟﻮ ﺍﻧﺎ ﻓﻲ ﻧﻬﺎﺭ ﺍﻟﺼﻤﺖ ﺍﻻﻧﺘﺨﺎﺑﻲ ﻭﻧﺴﻴﺖ ﻭﺍﺗﻜﻠﻤﺖ ﻋﻦ ﺍﻻﻧﺘﺨﺎﺑﺎﺕ ﻫﻞ ﺍﻧﺎ ﻛﺪﻩ ﺻﻤﺘﻲ ﺑﺎﻅ ﻭﻻ ﻳﻨﻔﻊ ﺍﻛﻤﻞ ﺻﻤﺖ
@muslima24 إحنا شعب بينزل الشارع وقت حظر التجول علشان يتفرج عليه .. و وقت الصمت الانتخابي بنجتهد في الدعايا بشكل مكثف :)))
@TheAhmedRaafat لو التايم لاين كله اليومين الجايين حيبقي كلام عن الصمت الانتخابي يبقي ملوش لازمة و كل واحد يتكلم عادي احسن!
@AhmedAbdlAleem بخصوص الصمت الانتخابي؛ واحد بيقوللي هوّ إنت بتدعم حمدين صباحي عشان أحسن من أبو الفتوح، قولتله: لأ، بدعم صباحي عشان أبو الفتوح مش أحسن منه !
@kazakhelo هو ابو اسماعيل مش ناوي يلزقنا مفاجأة من مفاجأته في خلال الصمت الانتخابي ؟
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
