قام عدد من المواطنيين السودانيين بالتظاهر وذلك احتجاجا على إلغاء دعم أسعار الوقود الذي قرره الرئيس السوداني عمر حسن البشير واستخدمت الشرطة السودانية الغاز المسيل للدموع لتفريق مئات المتظاهرين وهناك انباء عن وقوع ضحايا، وفي تويتر قام عدد من المصريين بإنشاء هاشتاغ نصائح للاخوة في السودان وذلك لتقديم نصائحهم ضمن خبرتهم في التظاهر:
- عندنا في مصر اكتشفنا حوالي نص مليون خلية اخوانية نايمة ..... تخيلوا بقى عندكم حتلاقوا كم "خلية نايمة " :)))
- بعد ما ثورة تنجح الميدان اللى كنتوا فيه ولعوا فيه بعد ما تخلصوا عشان مش كل جمعة يطلع مليونية"
- الغوا اي ميادين محتملة بأسماء رابعة، نهضة، او قرى زي دلجا وناهيا وكرداسة.. من قبل ما تبدأ
- لو قالولك هنفجر البلد بالريموت كنترول و العربيات المفخخه ..اوعى تخاف يا زوول دول فنجرية بق
- اوعوا تسمعوا كلام قناة السودانين " الفراعين سابقا "
- اوعو تعينو وزير دفاع ومتجيبوش ولاوزير من المنوفية ولا محافظ من الدقهلية ووزارة الداخلية الغوها مفيش فيهم امل
- لما توصلوا للانتخابات فى واحد هايرشح نفسه وهتلاقوه بيتكلم حلو وهايغرق الشوارع بسترات .. دا امه امريكيه اقبضوا عليه
- اوعو تقولو نعم ﻻي صندوق ف اي استفتاء "الصندوق فيه سم قاتل "
- بلاش تبيعوا اصواتكو بالزيت والسكر .. هتندمو
- اى حد بدقن طويلة يططلع يقوللك غزوة الصناديق .... ولا كأنك سمعت حاجة خد قرارك بايدك
- ستسقطون الحكومه ثم تجرون انتخابات يفوز بها الاسلاميين ايضا ثم تعود الكره وانتو ما ناقصين مصايب العلمانيين كاذبون
- اعلموا ان عزيمة الشعوب اكبر واعتى من الانظمة المتجبرة فلا قوة فى العالم استطاعت ان تقهر شعب
- لو خطاب البشير طول عن ساعة, ولو قال الزول اللى بيقبض عشرين جنيه ابشروا هو كده هيمشي :))
- موتوا كل الاعمار الكبيرة بدرى بدرى عشان تعرفوا تاخدوا حاجة فى البلد
- اللي يقولكم الخروج على الحاكم حرام أتأكدوا ان بعد ما ثورتكم هتنجح هيكون أول واحد بيجري على السلطه
- قسموا نفسكم ورديات جماعه يعملوا ثوره وجماعه يناموا وهكذا
- فين الأعداد؟ لازم تكون اعدادكم بالملايين عشان الحكومة تحس ان الشعب كله غضبان مش شوية شباب عاملين فيها ثوريين
- فرصتكم بدرى الفراعين مقفولة تاخدوا توفيق عكاشة انتداب”
- شهداء 25 سبتمبر ماتوا في أحداث سبتمبر احفظو الكوبليه ده علشان هتحتاجوه كتير في القلش في المراحل المتقدمه بعد كده
- اللي يقولك احنا ائتلاف شباب الثورة .احدفوه فى النيل .ولا اقولكم بلاش النيل عشان بيصب عندنا
- لو عندكم مطار واللى عملة موجود ابعتوه الامارات يعمل عمرة من دلوقتى هيرشح نفسة للرئاسة
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
