يستعد العديد من المصريين للنزول في يوم 30 يونيو للتظاهر ضد الرئيس الحالي محمد مرسي، وذلك للمطالبة بخلعه واجراء انتخابات رئاسية مبكرة، وفي موقع التواصل الاجتماعي تويتر قام أحد المغرديين بإنشاء هاشتاغ نصائح قبل لـ 30 يونيو وذلك لكتابة بعض النصائح للمتظاهرين قبل النزول للشارع خصوصاً بعد تجربة مظاهرات 25 يناير التي مانت سبباً لخلع الرئيس السابق محمد حسني مبارك:
- لو لقيت حد بيجرك لخناقة جانبية فلول و ثورة و الحوارات دي كبر دماغك و اتعامل على انك الكبير
- مفيش بنت تنزل بكعب او جيبه او لبس قصير .. بنطلون جينز وتيشرت وكونفرس علشان تعرفى تتحركى
- انزل وعامل حسابك تجيب حق مصر و تخلصها من الاخوان, مش نازل مسيرة و اخر اليوم تروح, اعمل حسابك انك فى الشارع لغاية ما يمشوا.
- مش دايما الحل للغاز الهروب لورا. خصوصا لو الغاز جنبك أو وراك. ممكن تطلع لقدام شوية لغاية ماتخف سحابة الغاز.
- هيحاول مجموعات الهتاف ضد العسكر وشتيمة شفيق ومجموعات تانية هتشتم فى الثورة والثوار ياريت تعمل نفسك عبيط علشان انا هعمل عبيط
- خدوا معاكم في الشنطة بصل والأفضل يبقى مفروم. هيحافظ عليك ماتفقدش الوعي من الغاز لما تشمه. حطه في الكوفية أو الماسك من جوا
- خلى معاك رقم جبهه الدفاع عن المتظاهرين وخلى رقمهم اول رقم فى call log علشان تدوس على الزرار مرتين وتقولهم بسرعه على اسمك
- اللى نازل يجيب معاه الخيمه بتاعته علشان ده اعتصام لحين سقوط النظام لكن اللى فاكر نفسه هينزل يهتف شويه ويروح يخليه فى البيت
- نضاره شمس ,كاب , لبس قطن فاتح , "البنات تلبس بناطيل تحت هدومهالو مش بتلبس بنطلون" كوتشى خفيف, لبس اتلبس ومريح مش هنجرب يومها
- في أدوية حموضة بتتباع في الصيدليات زي بيكوجيل وكدة هاتها وخفها بمية وحطها في بخاخ ورش وش الناس المصابة بالغاز وجوا عينهم
- اى حد يغمى عليه عادى كده ,, اهم حاجه تدوله حاجه مسكره , فبليز اشترو بونبونى وخلوه معاكو للناس الى ممكن تتعب معانا
- اشحن موبيلك كويس , وسجل ع السبيد دايل رقم بيتك , ف حاله احتجناله ,,ف جيبك خلى ورقه فيها فصيله دمك ولو عندك السكر
- اللي هينزل اول مره يتجاوز صدمه ان الشرطه طيبه ومش هتضرب بسرعه متقرفوناش والعياط والشحتفه مش هيفيدك بحاجه
- اوعي تقول لبنت ماتدخليش جوة انتي علشان فيه ضرب لأن غالبة البنت دي هاتشتمك او هاتقولك مالكش دعوة .. سيبهم
- ماتسيبش اللي جنبك لو وقع. هيتقبض عليه وممكن يتقتل. إجري إنت واللي معاك إنقذوه اللي قدامك جبان حتى لو معاكش حاجة إجروا عليه
- اكتب اسمك علي ايدك وكاميرتك في. ايدك او موبيلك لتصوير اي انتهاكات
- وأخيراً بقي عن الغاز ماتستسلمش لتعبه .. لوتعبت منه قوم وأقف وأتحرك ناحية مكان هوا نضيف وخد نفسك بالراحة .. هاتبقي كويس
- لو أنت واقف ورا وقدامك ناس كتير أوعى ترمي طوبة .. عايز ترمي طوب أطلع قدام وخليك في أول صف وارمي زي ما انت عايز
- متوقعة شبكات المحمول تسقط من كتر البشر وممكن طرق تتقطع ياريت العائلات ما تتفرقش والشباب ييجى على نفسه ويلازم الوالدين
نصائح مين يا عم انت احنا خلاص بقينا تخصص مسيرات ومظاهرات واشتباكات .. ده احنا قربنا نحضر ماجستير فيها
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
