منعت الاداة العامة للمرور في السعودية تملك المواطن لأكثر من 5 مركبات نقل خاص بحيث اصدرت تعميم في ذلك ووجهت الادارات بالمملكة بتنظيم عملية تملك المركبات وعدم نقل ملكية أي مركبة أو إصدار جديد لمركبة لأي مواطن مسجل لدى المرور أكثر من خمس سيارات باسمه. وأثار هذا القرار موجة من الجدل في موقع تويتر تحت هاشتاغ #منع_تملك_المواطن_أكثر_من_5سيارات:
@wlz10 يوووه خساره يعني خلاص معد اتملك الا خمس سيارات هههه ياحبيبي الشعب كله سياره وحده ويموت ماخلص الاقساط
@w6n3mrry طيب واللي عنده نص سياره ماراح يُنظر لوضعه ،،، نص سياره يعني مره تمشي وعشره ندفها
@selmander11 مع أنه ماراح ينطبق على المواطنين،، لكن مالهم دخل وين اصرف فلوسي!؟؟ جحا أولى بلحم ثوره
@moh455 اغلب المواطنين على سيارة وحده والمشكلة مو باسمه باسم الشركة
@mosaafash57 نشوف النظام هذا فوق الجميع ولا كالعاده اشخاص فوق القانون
@HassanAlajmi6 ياليت يطلع قرار منع التجار من تملك اكثر من خمس اراضي اتوقع اهم من السيارات
@maajeb1 بداية الطريق للفساد يعني أسجلهن بإسم المدام والجيران والعيال وتآخذ وكالة عامة عليها وانتهت المشكلة
@meandmycildrn محد بيتضرر الا الناس من الطبقات الغنيه امآ المواطن العآدي ما يهمه لذلك انا مع القرار لعانة فقط :)
@abdulrahmanster هوا أصلا المواطن لقي فلوس عشان يستري سياره أقساط وتنسحب منه كمان
@iiHFC_ بس المواطن ؟ طيب القرار يشمل عيال النعمه وعيال الامراء ؟ ولا بس حيلكم على المواطن الضعيف ؟
@BakrFahd الي يسمع هالكلام يظن المواطن عنده اكثر من سيارة عجباً
@hpn2007rr هو خلوني اشتري سيارره بعدين نتفاهم باالبقيه..هههه يمزحون قصدهم المواطن المختوم مو العادي ههه
@MohsenAlhumaidi يالله كلها فترة وبيصير المنع على التنفس أكثر من ١٠٠ مره في اليوم خوفاً على إنقراض الأكسجين في السعودية
@Alqashqari ان كان القصد عشان التلوث البيئي فالأفضل رفع اسعار البنزين
@AbdulazizAydh وينهم عن منع تملك التجار المخططات السكنية
@shehaab1 اذا صح الخبر وافتراض ان فينا ي المواطنين من يمتلك ٥ سيارات وش الهدف من هالقرار ؟ ولا هي عبث !!!
@um_ayad123 واذا كان المواطن لديه عائله كبيره واغلبهن نساء يحتجن لسائق وسياره فهل في هذه الحاله ستكون الملكيه للانثى.
@Rakan34855 على أساس أنه السيارات شارينه بفلوسنا....كلها قروض !!!!!
@bammnmaa ليش طيب والي عنده ٤زوجات وسواقين وعيال ايش يسوي ؟؟؟؟!
@hazaa1350 قرارهم هذا ومعه قرارات سابقه يذكرني ب ( الشيوعيه ) في الصين وكوريا الشماليه لكن بطريقه أسلاميه !!!
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
