تناقل عدد كبير من مستخدمي مواقع التواصل الاجتماعي دعوة لما يسمى مهرجان البيجامات الذي من المقرر اقامته يوم الجمعة 17 تشرين الأول المقبل في الأردن. واثارت هذه الدعوة موجة من الجدل والتعليقات الغاضبة:
@OmariahHaya يعني حنشوف البنات بالبجامةالصفراالمتحللة مالغسيل والشبشب ابوفراشةوالشباب بالشورت والشباح المنخل وشبشب سفينة الصحراءالبيطعج
@eng_jomana أنا إذا بدي أشارك بمهرجانات، بشارك بمهرجان الخط العربي، لغة عربية، الكتاب، معارض نون، معارض أعمال يدوية إلخ. مش هالهبل
@TAMER_ZRS وبحكيلك ... البلد بتطور ... والله خرابها قرب ... لانه شبابها بلشت ترتقي بتخلّف
@Dr_Ryalat طيب أنا مش شايف غير الناس اللي بتسب عالمهرجان بالهاشتاق ... وين الناس اللي قاعدين بتسبوا عليهم !!
@RagadNajjar ممكن عادي تلاقي وحدة طاقعة كعب على البيجامة ، عادي جداً
@3mory1417 المسلمين يقتلون في بورما في غزة في سوريا في العراق وانتم تتكلمون عن مهرجان البجامات انصرو اخوتكم قبل ان يأتي دوركم !
@alm7siri بالنسبه لمهرجان البيجامات ... انا زلمه بنام بالبوكسر "صيفاً و شتاءاً " .. فهل البوكسر يعتبر بيجامه ؟؟
@qdrabee الاول من نوعه وفي الاردن ... اصلا لازم نكون مبسوطين ومكيفين ... صار عنا ابداعات وبدنا نورجي الناس الوان البيجامات .
@yasmine_ilayyan راح تدفعوا مصاري عشان تلبسوا بيجاما وتسمعوا أغاني يعني راح تدفعوا مصاري عشان اشي بتعملوا كل يوم بس هاي المرة قدام الناس
@du32_Majed الأردنيين مش ملحقين مهرجانات وكل يوم فكرة جديدة طيب ليش بيحكوا عنا شعب نكد ومعقد ومتعصب!! هاد الي ناقصنا بس
@Sanadqotshat اطقعع هسا المحلات الي بيبيعو باجامات والله ليكيفو!!!
@maisoonalguran طب ازا ما حدا من يلي بعرفهم رايح والكل نازل يتخوت علي بدو يروح مين رايح!
@Sameer_AlOtaiby لكل بنت وشب رايحين على مهرجان البيجامات بحب احكيلكم بهاي المناسبة السعيدة انتو ناس جاهلين ولا نرتقي بكم بأي شكل من الأشكال، بكفي جهل وتخلف
@haposhabualawi لهدرجه وصل الانحلال بالمجتمع ناس بلا هدف
@KathemAmin اليوم داومت بالشورت و الحفاي ميشان اتدرب للحفلة :')
@GhadaAlbgomi لو كل ام كشة طلعت من النوم على طول على المهرجان كان بيحرمو يعملو هيك
@alqudahsahar أفكار في غاية الإسفاف والتفاهة وبيحكولك لدعم السياحة سنحكوا ما أبرد وجوهكم أصحاب الفكرة قلة حيا مش سياحة والله
@JwdShlbi إن لم يمنعه الشباب ويحولوا دون وقوعه فذلك يعني أن هذه المهرجانات ستستمر في الظهور مما ينذر بكارثة ستعصف بالشباب فالمجتمعات
@malikaobeade بعد مهرجان الألوان في الأردن مهرجان البيجامات وكأنها أمة لا تعرف ما يحصل في غزة؟! حقا ليس بعد العهر ذنب
@NinaHaneena شو بالنسبة ل مهرجان البيجامات !! تخوت عبعض؟ محنا الاردنية فش حدا فينا عنده بيجاما كاملة! حتى تقليد اعمى مش عارفين نقلد
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
