أُعلنت اليوم في الأردن نتائج الثانوية العامة "التوجيهي" وقد جاء إعلان النتائج بعد ترقب كبير من الطلاب بسبب تأخر إعلانها الأمر الذي أثار حفيظة عدد من النشطاء وعقب إعلان النتائج عمت الأردن عدد من الاحتجاجات بسبب تدني نسبة النجاح الأمر الذي أثار الجدل في مواقع التواصل الاجتماعي وخصوصا تويتر:
@fareedhalteh أنا مش ضد تطوير التوجيهي بس لما ييجيي امتحان نسبة نجاحو 14% أظن انو يدل على فشل الوزارة فيوضع الاسئلة.... اي نعم نزلت العلامات زي ما بدو
@_adrees93 انا الي زعلني على بعض طلاب التوجيهي اليوم انهم مرسبينهم على علامة :| قالبين فيها ابو الضمير
@hafahof1 نتائج التوجيهي لما طلعت حسسيت حالي بعزا او اكتر من العزا مش هييك ذنيباات بالله ترحمنا والله صرت خاايف من اشي اسمو توجيهي رعبب
@ShathaJaradat2 منظر طلاب التوجيهي اليوم كان بقطع القلب!! الله يعينهم :(
@omarbiltaji مش فاهم شو قصة التوجيهي.. الي بسمع بقول الشبيبة رايحين على هارفرد او ستانفرد على طول والحياة كلها فرص رائعة! راسمالها شهادة تعلق على الحائط!
@emadamro أقترح عمل سجل شرف .... لشهداء نتائج التوجيهي بالأردن !!! طعن ..... إنتحار ...... إقتحام
@Rashrashtii مش فاهمة شو المتعة لما تحط أخوك التوجيهي بسيارتك و سايق عسرعة 100 و بتصرخوا و بتزمروا و نص بدنه طالع من الشباك ؛ مش هيك الفرحة
@mohaziad عفكرة الي مفكر انه التوجيهي السنة انضبط وما صار غش ولا تسريب بكون مسكين :)
@Almica10 الأخبار بعد نتيجة التوجيهي، محاولات انتحار، طعن مدرس و كمان شوي ضحايا السيارات و الطخ. شكراً، هذا اللي استفدناه من ثقافة التوجيهي تبعكم!!
@emeir1 اذا كانت نتائج التوجيهي صحيحه هذه السنه تشكك بحقيقة نتائج التوجيهي في الاردن منذ تأسيسه حتى اللحظه
@Besmark_saddam1 ما زالت المعدلات مرتفعه اكثر من الطبيعي..الاصل ان لا يزيد عدد الناجحين بمعدل 65% فما فوق عن 45% من الناجحين
@princemohammad6 الله يكون بعون التوجيهي مشش نتآئج هدول . . فوتوشوب
@abuhawash عشرات الانهيارات بعد صدور نتائج التوجيهي ! مش عارف هو توجيهي و لا قنبلة أعصاب ؟!
@zahor_15 طلعت نتائج التوجيهي اليوم .. جو صراخ وبكى و ناس بالارض غميانه وانا بتمشى بينهم الحق حالي بهيك اجواء وانا مرتاحة قبل ما يجي دوري السنة الجاي
@SulyWay أغلب أوائل التوجيهي من خارج عمان.. اتوقع هذه رسالة قوية للمسؤولين أن خارج عمان عقول مبدعه ومواطنين ستقتل احلامهم اذا لم تتغير سياسة المركزية
@rrmmrm التوجيهي بروح وبيجي اهم شي الصحة
@M1_J0 طلاب الادبي فوق ما هما ادبي مش ناجحين بالعربي الا 34% ! ولكوا اذا عربي ما بتفهموا .. على شو بتلوموا الوزير !
@thunderman007 الله اعلم كم قتيل وكم جريح من ورى نتائج التوجيهي في الاردن في حالت انتحار الله يستر الحمد لله انا خلصت زمااااان
@Ibrahim_banat شو اخبار معدلات التوجيهي؟! السنة الطب 80 رح يكون شكلو
@SuFian1Z الي خبص يوما ما بالتوجيهي رح يصير عمره 100 سنة وهو عنده عقدة كل ما يسمع عن التوجيهي وعن العلامات, عقدة قاهرة والله
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
