مع اقتراب الموعد الذي حدتته حملة تمرد للتظاهر لاسقاط الرئيس المصري محمد مرسي وهو يوم 30 يونيو اشتعلت مواقع التواصل الاجتماعي بالتعليق على هذا اليوم وخصوصاً بعد خطاب الرئيس محمد مرسي الذي جاء أقل من المستوى ومخيب للآمال بحسب وجهة نظر مجموعة كبيرة من المعارضين المصريين:
- عايز أشوف وشوش بتوع الجيش والشعب ايد واحده يوم 30 يونيو لما يضرب عليهم رصاص.. فوفريت التويته دي للتاريخ .. إنتوا عايشين في الوهم الجيش معاهم
- قطع العلاقات مع الأسد،وقبله مؤتمر النفير والجهاد،ما هو إلا محاولة إخوانية للهروب من استحقاقات 30 يونيو لقد تحرك الأخوان في الوقت الضائع"غبا"
- يا جماعة الى حاطين امل فى يوم 30 يونيو ينسوا هيجى يوم 30 وهيعدى ولا هيحصل حاجة وهيفضل الدكتور محمد مرسى رئيس الجمهورية وابقوا تعالوا قابلونى
- بعد مظاهرات 30 يونيو وبعد ما الاخوان يغوروا .. الشعب هيطالب بمحاكمة السيسي عشان كان بيصقف لمرسي إمبارح
- ـ يوم 30 يونيو سيكسب الرئيس الشرعي الدكتور مرسي أرضًا جديدة صلبة يبني عليها مشروعات النهضة التي ينشدها.
- بعد خطاب مرسي وبشائر ان يوم 30 يونيو تمرد لن يكون إلا عشرومية مثل عشرومياتهم السابقة تنتهى بفقرة الساحر والمولوتوف وهذه المرة خرطوش وحى
- بالنسبة ل 30 يونيو على قد ماهو متوقع تغير على قد ما برده الناس حاسة ان خلاص الوضع مش هايتحسن عالمدى القريب
- حددت المعراضة المصرية يوم 30 يونيو للنهاية الا تعلمون انكم تواجهون تحديات اكثر ..لابد ان يكون 30 يونيو علي قدر تضخيمكم الاعلامي
- بالمختصر : مغزى مرسي من الخطاب هو كبش فداء لفشله ، السؤال لماذا الآن ظهرت الاسماء يا مرسي ولا انت مرعوب من 30 يونيو !!!
- في حياة كل انسان حدث بيحدد مصيره كذلك المجتمعات في طريقها عتبات تاريخية بتححد مستقبلها علشان كده هنزل يوم 30يونيو مهما كانت العواقب الوقتية
- يترقب العالم العربي مصر يوم 30 يونيو لأن مصر كالترمومتر بالنسبة للعالم العربي.
- الي ميخرجش يوم 30 يونيو ميتكلمش تاني عن مصر
- محاولة مرسي لأن يقول أن كل من ينزل في 30 يونيو هو فلول دليل على إفلاس حقيقي فما بالك برئيس دولة يطلق الإتهامات شرق و غرب .. والله عيب وشكرا
- اللي كان متكل على ربنا ماتغيرش حاله وهاينزل يوم٣٠ واللي كان متكل علي السيسي هو اللي أحبط وقاعد يناظرعلى تعبيراته
- مرسى امبارح كان بيتكلم عن بلد تانى وكان بيكلم شعب تانى غير الشعب المصرى لابد من رحيل هذا الفاشل
- حالة سخط بجد في إسكندرية النهارده من خطاب مرسي امبارح مفيش مكان فيكي يا إسكندرية إلي وحد بيتكلم على مرسي وعمايلو
- المطالب بإسقاط الرئيس مرسي بتظاهرات 30 يونيو خاطئة وتهمش شرعيته كرئيس منتخب.
- علي فكره .. مرسي مش عبيط زي ما شفتوه كده .. هو اتكلم بالبلاهه دي عشان يبين انه مش متوتر و مش قلقان من 30 يونيو
- يا جماعة .. بالمختصر مرسى بالخطاب بيثبت انو خايف من 30 يونيو وهو عايز يقلد السادات بس ما عندهوش الموهبة
- بصرف النظر عن عن استفزازية خطاب مرسى هل يختلف معى أحد أنه جاء ملهماً وداعماً لحشود 30 يونيو القادم؟
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
