بعد مجموعة من الاحتجاجات على التوقيت الصيفي خصوصا بعد الجريمة التي راحت صحيتها الطالبة "نور العوضات" اثناء خروجها مبكرا من بيتها للجامعة قرر رئيس الوزراء الاردني التراجع عن قراره بابقاء العمل بالتوقيت الصيفي والبدء بالعمل بالتوقيت الشتوي ولاقى هذا القرار ردود فعل واسعة في موقع التواصل الاجتماعي تويتر:
@RaghadRihan صراحة الى الان ما فهمت ايش المغزى من التوقيت الشتوي بس واخيرا حتصير التوقيتات على جوالي كلها زي بعض
@ala2_a7mad اشي حلو انو نزل قرار التوقيت الشتوي بس الاهم هلأ وقضيتنا هلأ انو ينعدم قاتل نور العوضات
@Yarmouky_ana لنقرأ سورة الفاتحة للطالبة نور الله يرحمها التي كانت سببا في رجعة التوقيت الشتوي لهذه السنة
@mhmdzaied1 النسور عطل المدارس والجامعات بكره ورجع التوقيت الشتوي .. أبصر شو بدو يرفع مش متفائله
@hudajundi رح يرجع التوقيت الشتوي .. اخيرا فهم النسور :)
@abodraik848 أمطار الخير والعودة الى التوقيت الشتوي وعطلة المدارس والجامعات غدا... الله يبعد العين عنا
@mohammedShamekh بمناسبة رجوع التوقيت الشتوي.. عقبال رجوع أراضي الدولة والفوسفات ومحاكمة الفاسدين.
@baker_momany لاحظت اليوم انو الكل قالب حنين و لطيف و حبوب .... أمي طابخة منسف النسور عطلنا و رجع التوقيت الشتوي اللهم زد و بارك
@Orabios وافق النسور يغير التوقيت الاسبوع الجاي . . ما خلص شهر 12 بدري !! امانة اذا فيها ازعاج او احراج لا تغيره
@SaedHaddadin عطلة بكرة الشعب فرح رجع التوقيت الشتوي ،الشعب انشل من الفرح النسور انت مش انت و انت بردان
@MajdMansour الحمدالله رجعنا التوقيت الشتوي هسا الجرائم رح تتوقف والسجون رح تفضى والفوسفات رح ترجعلنا وسعر البنزين والكهربا رح ينزل ،، اصلا هذا حدنا
a_abunadi @ اخيرا استجابت الحكومه للشعب .
@aliQtawneh20 ع فكره التوقيت الشتوي والعطله بكره هذول حق ل الموطن وليس مكرمه من الحكومه ل الشعب حق الموطن ورجع حقو الو
@SuhailJouaneh لازم فيروز تعملنا أغنية جديدة اسمها: رجعت توقيت الشتوية :)
@RJ_1310 بعد شو رجعو التوقيت الشتوي ... حسبنا الله ونعم الوكيل
@Rasheed_mh التوقيت الشتوي رجع رسميا وعطله يوم الخميس رسميا وطلاب الجامعات روحوهم والغو امتحانات اليوم وبتقولو النسور عاطل !!!!!!
@nezar76 طيب انا بكرة نازل مظاهرة ضد التوقيت الشتوي
@lujainalkurdi كان لازم تروح ضحية مشان يرجعوا التوقيت الشتوي !!
@natashaAbbadi يلا بما انو رجعو التوقيت الشتوي ضايل بس ينزلو الاسعار و اصلاح النظام :-)
@ALMafraq1 بس معلومه .. لما يرجع التوقيت الشتوي .. أولادكو رح يرجعو بنص الليل من الجامعات و الوظيفه
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
