طرَّحت الفنانة المصرية شيرين عبد الوهاب أغنيتها الجديدة التي تحمل اسم "كلها غيرانة" عبر قناتها على موقع الفيديوهات الأشهر "يوتيوب" دون سابق إنذار؛ وهو ما فاجأ متابعيها وأثار التساؤلات حول ما يدور وراء هذا القرار السريع.
ويأتي طرح الأغنية بعد أيام من تسريب أغنيتها "مالكاش مكان"، التي تكهن البعض أنها موجَّهة لزوجها الفنان حسام حبيب عقب انفصالهما وانتهاء علاقتهما.
وتعتبر الأغنية أول تعاون يجمع شيرين عبد الوهاب وشركة روتانا للصوتيات بعد انقطاع سنوات، ونشرت الشركة تغريدة مُرفقة بالأغنية، وكتبت: "فجرتها شيرين.. كلها غيرانة.. عن مين بتتكلم ياترا".
وحصدت الأغنية منذ نشرها على "يوتيوب" أكثر من ربع مليون مشاهدة وآلاف التعليقات، فكتبت إحداهن مشيدة بجمال صوت شيرين: "صوت واحساس جاى من كوكب تانى اكيييد..شيرين مش من كوكب الارض دى جاية من نجمة بعييييدة كلها احساس وحب".
وعلَّقت أخرى: "ما تغيبيش تبقي عننا كتير والله وحشتينا اوي اوي والاغنية دمار شامل انتي رهيبة انتي الي يتقله عظمة على عظمة وما تخليش اي حاجة تاثر عليكي كلنا فظهرك دايما".
وكتبت إحداهن مشيرة إلى طلاق الفنانة: "والله ما كنت مصدق ودخلت اتاكد انها قناة روتانا الرسمية اغنيتين لشيرين مرة واحدة في يومين ♥️♥️♥️ ياريت اطلقتى من زمان من الزفت اللى كنتى اخداه".
وجاء في كلمات أغنية "كلها غيرانة":
كلها غيرانة بتحقد والنفسية سواد
لو أعدي في حتة أنا مش بسلم من الكومنتات
طب أعمل ايه منا ست جميلة ودي كاريزمات
أنا بدخل اي مكان بقلبه ده بفضل الله
واللي يشوفني على طول بعجبه من غير معاناة
في حاجات كده خلقة ربنا مش مجهود عاملاه
خلوا اللي يغير مننا يجي ويعمل زينا
من غير ما يغل يقل ويضربنا في ضهرنا
خلوه يجي في وشنا لو عنده حاجة يقولنا
وبلاش بقي شغل قالولنا كفاية كلام عننا
خلوا اللي يغير مننا يجي ويعمل زينا
من غير ما يغل يقل ويضربنا في ضهرنا
خلوه يجي في وشنا لو عنده حاجة يقولنا
وبلاش بقي شغل قالولنا كفاية كلام عننا
الناس طول ما بتتكلم عنك ليك قيمة
جايبين سيرتك بالخير أو كانت دايرة نميمة
سيبها على الله وفكك طول ما النية سليمة
وأنا في المواضيع ده أنا واخده شهادة خبرة سنين
وكلام الناس بقى بالنسبالي زي البنزين
بيخليني أنور أكتر واثبت أنا مييين
خلوا اللي يغير مننا يجي ويعمل زينا
من غير ما يغل يقل ويضربنا في ضهرنا
خلوه يجي في وشنا لو عنده حاجة يقولنا
وبلاش بقي شغل قالولنا كفاية كلام عننا
كلمات اغنية كلها غيرانة شيرين
