قررت الحكومة المصرية الحالية بوضع عدد معين من أفراد الجيش المصري في كل مدرسة من المدارس وذلك كنوع من انواع الحماية بسبب ما تشهده البلاد من حالة انفلات امني وقد اثار هذا الامر ردود فعل واسعة ومتضاربة ما بين التأييد والرفض:
- طلامة الجيش فى المدارس...أمال مين اللى بيحمى الحدود؟!
- بعد إنشغال الجيش بمهمة ضبط تلاميذ المدارس وتحفيظهم أغنية تسلم الآيادي نرجوا جميع الأمهات الإستعداد لحراسة حدود مصر
- بعد تواجد الجيش ف المدارس..اللي مش هيحل الواجب هيتحط ف اوضه ويتحدف عليه قنبلة غاز..اللي هيزوغ هياخد طلقه ف رجله ويجيب ولي أمره
- الجيش يبيع كشري في الفسحة ويشغل مصانع المكرونة بتاعته و تطبخ الايادى عشان تأكل ولادى وجيشك فين يابهيه فى المدارس بيبيع عسليه
- بعد ما الجيش نزل المدارس عرفنا لية كان كتاب سلاح التلميذ بيكتب ويطبع فين وفى سلاح اية فى الجيش السيسى
- من كتر اللي بشوفه و بقراه عن معاملة الجيش لطلبة المدارس !! نفسي ارجع للمدرسة تاني
- الجيش المجرم يتواجد في المدارس يوميا لماذا ؟ اقسمت بالله لن تغيروا من فكر اطفالنا شي نحن امه ولاده تنجب رجال
- يعنى الواحد ما صدق خلص تعليم وبيعمل ورق الجيش يروح الجيش يرجعنا المدارس تانى ايه الغلب دااا
- المفروض طلبه مصر كلهم يطلعوا على الحدود طالما الجيش في المدارس
- اللي بيدافع عن الجيش!! ابقي خد عيلتكك ورح احمي الحدود..اصل الجيش في المدارس بيحيي العلم علي تسلم الايادي
- الجيش في المدارس هو أغرب شئ في العام الدراسي الجديد .. وبكره تشوفوا مصر
- قالك الجيش رايح المدارس علشان يربى العيال مش لما تربوا ظباطكوا الاول لسانهم اوسخ من الجزمه الى لابسينها و اغلب اصحابى ظباط الجيش بيحششوا
- بمناسبة ان الجيش ف المدارس دى الهتافات الرسمية يابو نسر ودبورة اطلع امسح السبورة يابو نسر ودبورة وكاب عندنا كام حصة ألعاب
- النهضه اللي احنا فيها دلوقتي الجيش بينهض بالمدارس وبيسرق الساندويتشات وبيحمي المدارس وسايب حدودك لليهود
- تواجد الجيش في المدارس بيعطي للناس الطمانينة علي اولادهم وبيعرفهم انهم في امن وامان والا احنا كده دايما نشكك في كل شيء
- الجيش بقى متوزع فى المدارس.. يعنى لو عدو دخل البلد نقوله ايه؟ أقوله تعالى فى الفسحة؟ حاجه تحزن :(
- بمناسبه دخول الجيش المدارس محدش يعدى من قدام فصل3/1 عشان فيه كمين جيش والظابط بتاعو رخم
- انا عايز اعرف العبقري الي اخترع سلاح التلميذ سابق عصره بعشرات السنين بعد دخول الجيش و الشرطه المدارس عرفنا ليه سماه سلاح التلميد
- عمالين تزلوا فيهم علشان الـ50 % ...أهم رجعوا المدارس يكملوا تعليمهم تاني
- الجيش بقا تواجدة في المدارس يا جدعان مش على الحدود وان شاء الله هيامن سندوتشات وزمزميات كل طالب .. والله الموفق والمستعان
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
