دشن نشطاء موقع التواصل الاجتماعى " تويتر" في مصر هاشتاغ بعنوان #مبارك_طلع_حرامى بعد أن قضت محكمة جنايات القاهرة بالسجن المشدد لمدة 3 سنوات على المخلوع محمد حسنى مبارك فى القضية المعروفة باسم "قصور الرئاسة". وهو الحكم الذى اعتبره الكثير إدانة بطعم البراءة، ولم تخلو التعليقات داخل الهاشتاغ من السخرية:
@KirlosGeorge اقتل و سرق و نهب و خرب و حرق و باع و خان و حبس و ظلم. و اخد 3 سنين بس يبقا حقا
@MariamAmir11 بعد اللى سرقه ده كله اخد ٣ سنين واحتمال يطلعوه حسن سير وسلوك ....بلد المسخرة
@hnanada1 المشكله مش فى مبارك الحرامى المشكله فى شعب حابب يتسرق ويقولك ماسر طول عمرها بتتسرق ولسه بخير والنبىى حد يقولى فين الخير ده
@SuzanYoussef ليه تتظاهر عشان تجيب حق شهيد وتاخد سنتين حبس لما ممكن تسرق 125 مليون وتاخد 3 سنين بس تتعالج فيهم ف أنضف مستشفيات ببلاش
@mamdouhism3il و خد 3 سنين .. كان كفاية 1 سنة و يخلى الباقى ل مااااسر
@e77090942 3 سنين علشان سرق فلوس ولا علشان سرق احلام شعب يافرحتى
@M_elnahas بالنسبه للناس اللي بتقول ولا يوم من ايامك يا مبارك .. بعد الحكم عليه انه حرامي .. لسه برضه ؟؟
@Dr_Egyptian_ICU 3 سنين علشان سرق البلد 30 سنه! ليه يا قاضي! ده كتير اوي!! هو عمل ايه يعني! محسسني انه نزل مظاهره ضد السيسي مثلا!
@MostafaNasserr الراجل دة قال انا او الفوضى و هو السبب فى الفوضى الحالية حتى و هو مسجون مش سايبنا فى حالنا !
@Ayadiab99 اخد 3 سنين سجن منهم سنتين قضاهم فى الجبس اﻻحتياطى ... دة لو كان سرق غسالة كان اتسجن اكتر من كده
@Ahmedtottiwk مبارك بعد 30سنة فساد اتحكم عليه 3سنوات فى قضية قصورالرئاسة,ماهينور المصرى اتحكم عليها سنتين بتهمة التظاهر(السلمى)بدون تصريح
@Ahmed22Gh واحد سألنى هو مبارك طلع حرامى اقولة عيب تقول حرامى دا رئيس عصابة يااابا
@oosha86 الملايين الى اخدوها من بق الغلابه الى فى العشوائيات عشان يزوق جناين القصور الى سارقها .. دا مفروض ياخد 30 الف سنه مش 3
@baseeeetaa ياريتها جت علي سرقة الفلوس، دة سرق مستقبل جيل كامل عيش أصحاب الواسطة علي حساب الغلابة اللي انطحنوا عشان ياخدو شهادة
@KhaledMakled3 دول 3 سنين يا جماعة هتلاقيه قضى منهم سنتين ولا حاجه وكمان سنه هيخرج، دا لو كان بطح واحد وجرى كان هياخد أكتر من كدا.
@alyhelaly8788 سؤال لولبي لكل المحاميين اللي هيقروا الكلام ده. هو ممكن يسوي مدة الحبس الاحتياطي بتاعه و يقول انا كدة قضيت العقوبة و اخرج.
@a7madich مجرد مسلسل بايخ لتحسين موقف السيسى قبل الانتخابات انة هيجيب حق الناس ومفيش عودة لنظام مبارك ونقطه يستغلوها فى الدعاية
@hatembadreldin هو صحيح القضاء الشامخ إداله 3 سنين بس لكن دلوقتي بقى في option حلو قوي إن لما حد من أبناء مبارك يتكلم معاك أبوك حرامي
@SuzanYoussef مبارك نهب البلد 30 سنة أخد 3 سنين سجن أحمد ماهر دعا للتظاهر أخد 3 سنين سجن قضاء شامخ مشموخ به !!
@nour_elmassry بتوع آسفين يا ريس حالتهم تصعب ع الكافر يا جدع زمانهم مشغلين أغنية مابقاش عندي ثقة في حد " للقضاء المصري
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
