ردت أسماء منير شريف عبر حسابها الخاص على موقع التواصل الاجتماعي إنستغرام على جميع الاخبار التي تداولت إصابتها بـ "الصرع" وتناولها أدوية الاكتئاب وأنهم وراء زيادة وزنها الكبيرة.
وشاركت ابنة الفنان المصري شريف منير عدد من الصورر التي كشفت عن الزيادة الكبيرة على وزنها وتحدثت عن الأمر، وعن انباء معاناتها مع الصرع.
أسماء منير شريف تتحدث عن أخبار معاناتها مع الصرع
واوضحت أسماء ان هذه الأخبارر مغلوطة وقالت عبر منشورها: "أنا تخنت، مش مية كيلو بس تخنت، وعبّرت عن ده بكل بصراحة. طبيعي أحس بعدم راحة لأن جسمي مش زي ما متعوده عليه، ولما اتسألت في برنامج، قلت إنّي باخد دواء "لنوبات الهلع".(Panic attacks)".
وأضافت: " لكن، للأسف، الصحافة عندنا بقت تهتم بالعناوين المثيرة أكتر من إنها تنقل الحقائق أو تهتم بحال الناس بجد.. زمان، الصحفي كان بيتعب عشان يجيب الخبر، وكان شغله فيه أمانة وإتقان وتحقيق. دلوقتي، الأخبار بقت مجرد نسخ و يلا نملي و خلاص ، زي التلميذ اللي بيغش و غلط كمان".
وأردفت: "بدل ما ينقلوا كلامي صح، حولوا نوبة الهلع لنوبة صرع، و في قالوا مرض نادر..جابولي مرض مش عندي. وأهو الخبر انتشر، وموجود مدى الحياة، والناس اللي هتشوفه في أوقات مختلفة هتصدق المعلومة المغلوطة، حتى لو الحقيقة ظهرت.
واستطردت: "أنا من ناحيتي، ما بهتمش برأي الناس، وده اللي مخليني مكملة في طريقي بكل ثقة. أنا شايفة قدامي وعارفة أنا عايزة إيه ومش عايزة إيه. التنمر بالنسبالي بقى نعمة، حسنات بتزيد بلا انقطاع، واللي بينتقدني أو يتنمر عليّ بيديني حسنات مش خسارة. كمان، الشخص اللي بيطلع من جواه غل ووحشية، كلامه بيعكس اللي جواه مش اي شيء فيا.
وختمت منشورها: "كل مرة الصحافة تغلط، لازم أقول إن الشغل اللي بيتعمل من غير ضمير مرفوض، وهنفضل نواجهه.وشكرًا لكل اللي اتطمنوا عليّا لما سمعوا الخبر المغلوط. ربنا يشفي كل مريض يا رب".
