تقلا شمعون تطالب بعض الدول بدفع رواتب للشعب اللبناني.. وتتعرض للهجوم

منشور 25 كانون الثّاني / يناير 2021 - 01:13
تقلا شمعون
تقلا شمعون

حلت الفنانة اللبنانية تقلا شمعون ضيفة على برنامج المواجهة مع الإعلامي رودولف هلال، وتحدثت شمعون عن العديد من الأمور، إلا أن حديثها حول وضع الشعب اللبناني خاصة في ظل الحظر المفروض عليهم أثار ضجة كبيرة حولها.

وقالت شمعون: "انا بدي استغل هيدا المنبر الي انا فيه.. حتى أقول لكل هالبلدان ياللي تهافتت علينا..بعد انفجار 4 آب وبدها تساعدنا تتفضل.. تعطي تدفع معاشات كل هاللبنانيين الي قاعدين ببيوتهم حتى يقدروا يعملوا حظر الزامي شامل.. ويكونوا عم يقبضوا مصاري ليقدرو يعيشوا.. متل ما عم تدفعوا لـ اللاجئين والنازحين.. تفضلوا ادفعو للشعب اللبناني.. مش انتوا بتحبوا لبنان.. ما فرجتونا هالمحبة الكبيرة لما جيتوا لعنا تفضلوا ادفعوا معكم مصاري قادرين.. لانهم بقولوا ما بدهم يدفعوا للحكومة والدولة لانها فاسدة، يدفعوا للناس".

وفي إجابتها حول ما اذا كان لبنان يعتبر بلد منكوب أجابت شمعون: "ايه أكيد.. لبنان بلد عم يعاني.. اقتصاده بالارض.. افلاس.. شغل ما في.. فرق العملة بالنسبة للدولار صار كتير كبير.. المعاسات باللبناني ما تغيرت.. ما عم نقدر الاسعار صارت عالية فاحنا بلد منكوب.. اذا أنتوا اصحاب النوايا الحسنة ما عندكم مآرب من لبنان تفضلوا ساعدونا.. لحتى نتجاوز هذه المرحلة.. مرحلة الوباء الي احنا موجودين فيها.. وادفعوا مصاري للعائلات لحتى تقدر فعلا تلتزم بالحجر وتقعد في بيوتها بدون ما تجوع".

وتفاعل الجمهور بشكل كبير مع تصريحات شمعون وتعرضت الفنانة لهجوم كبير وكان من أبرز التعليقات: " هاي عم بتشوف انه لبنان وضعوا صعب،،، حبيبتي روحي شوفي الوضع في البلاد يلي فيها حروب ومجاعات حق علاج ما معهن ولا اكل،،، بدك الدول تصرف عليكن مشان البوتكس والفيلر والتياب باهظة التمن،،، لا حول ولا قوة الا بالله العلي العظيم،،، لا مفكرين الخليج العربي مليان فلوس حبيبتي انا عايشه بالخليج 80٪ من الخليجين عايشين ع القروض". وقالت متابعة أخرى: " خلي الفنانين والفنانات اللبنانيات الي يتباهون ببرانداتهم وسفرهم يساعدو ويدفعو بدل أسلوب الشحاتة".

وتشارك الفنانة اللبنانية حاليًا في مسلسل عروس بيروت الذي يعرض على شاشة ام بي سي، وتجسد دور الست ليلى الضاهر، ويحظى دورها بإشادة كبيرة من ضمن النقاد والجمهور.

للمزيد من قسم الترفيه:

 فضيحة الفورد فيوجن تٌورط زوج ديانا كرزون!

نضال الأحمدية تهاجم أصالة نصري وتصفها بـ "مدمنة الكوكايين".. وهذا رد الأخيرة!
شهاب يسخر من جدته ويشارك فيديو مُسيء... والجمهور "عقلها مش بمحلوا"!

 

 

تابعونا على مواقع التواصل الاجتماعي ليصلكم كل ما هو جديد:

 فيسبوك  تويتر   إنستغرام

 

© 2000 - 2021 البوابة (www.albawaba.com)

مواضيع ممكن أن تعجبك