عبرت الفنانة السورية تولين البكري عبر حسابها الخاص على موقع التواصل الاجتماعي فيسبوك عن غضبها الشديد من صناع مهنة التمثيل وما وصفته بـ قلة الوفا.
تولين البكري تهاجم صناع مهنة التمثيل
وكشفت البكري من خلال منشورها الطويل عن اعتزالها التمثيل بكامل اراداتها معبرة عن غضبها لعدم تلقيها عروض جيدة تليق بتاريخها الفني الطويل.
وقالت البكري في المنشور: " أنا زعلانة..ويمكن كلمة زعلانة كتييير أقل من الوصف الحقيقي اللي حاسسته..مقهورة كتير من عالم تركوني بنص الطريق ..مقهورة من قلة وفا هالمهنة يلي بعد ٣٠ سنة فيها بدل مايدفشوكي لقدام بيرجعوك لورا"
وأضافت البكري في منشورها: " قرار ابتعادي عن هالمهنة كان بكامل إرادتي لانو هي المهنة خاينة مابتشيل المعروف متل الحبيب الخاين يلي بتقدمله كلشي بعدين بيدير ضهره الك وبيدور عالأرخص ..على اد ماكان عندي شغف وحماس اتجاه هاد الفن على اد ما كرهته".
وأوضحت سبب كرهها ومهاجمتها لهذا المجال قائلة: " لانه مو معقول من بعد ما اشتغل مع اهم المخرجين وبأهم الأعمال من أيام شامية ل ليالي الصالحية ل عائد إلى حيفا ل تخت شرفي يجو هلأ يتصلو فيك ليقدمولك دور ثانوي عبارة عن ٢٠ مشهد او أقل".
وكشفت عن غيرتها وأوضحت سببها قائلة: " صرت اكره اني ممثلة وشك بقدراتي وغار اي غار مو لما بشوفى شغل حلو بالعكس الكل بيعرفني ادي بفرح لما شوف فن حقيقي وناس عم تشتغل من قلبا وفورا برفع سماعة التلفون وبهنيون لانو بحس هاد النجاح نجاحي ونجاح للفن السوري برفع راسي فيه"
وأشارت النجمة السورية في منشورها إلى نجوم أصبحوا ترند وقدموا بطولة وهم لا يملكون علاقة بالتمثل على حد رأيها قائلة: بس بغار وبنزعج لما بلاقي حدا ماله علاقة بالتمثيل ويصير ترند وياخد بطولات مابيستاهلا"
واختتمت منشورها قائلة: " انا لما شتغلت تدربت على ايدين اهم المخرجين وكان بوقتا في احترام وتقدير كبير لهالمهنة من حاتم علي لهيثم حقي لشوقي الماجري لبسام الملا لنجدت انزور ..كلشي كان احلا ..اعتبروها فشة خلق بس انا كرهانة هالمهنة لان ما الها أمان.
