قام احد الآباء في احدى القرى السعودية بعقد قران ابنته في اجازة الصيف على احد الشباب بمبلغ خمسة ريالات فقط ضاربا بذلك أروع الأمثلة في تيسير امور الزواج ،ومؤيدا البعد التام عن غلاء المهور الذي يشهده الكثير من القبائل والعائلات. واثارت هذه الحادثة موجة من التعليقات في موقع التواصل الاجتماعي تويتر:
@bent_G07 مبلغ زهيد فيه إجحاف بحق بنته وإهانه لها أغلب الرجال إلا ما رحم ربي قليل خاتمه ما يستاهل ترخص بنتك عشانه
@G14ksh ابي اعرف الحين الخمسه ريال وش سوى فيها لو عطاها بدون مهر احسن .
@meshoo_A_H فاهم غلط الابو ، لو بدون مهر اهون من ٥ ريال اقل شي لو يقول مهرها هو دبلتها كله خاتم بس ٥ ريال اشوفه اهانه للبنت
@dal8888 غبي الناس تعز بناتها عاد مافي احقر من الرجال في ذا الكون بكره يعيرها بمهرها يقول اخذتك بخمسه
@6122Nwaf مافعله الاب من شيم الرجال والله ان فيه شباب خيرين ولكن ناقصتهم الماده ونسبة العنوسة عندنا مرتفعه ساعدوهم الشباب
@Ghassanalr78 في هذا العالم الحديث يصعب التصديق عن أب يزوج ابنته بثمن بخمسة ريالات شي لايصدق أبدا؟؟؟ هل احنا في زمن العجائب
@muna_TR7 وين المشكلة! ماعتبرها سلعة او سهم يستفيد منها الالاف وكرامتها مش في سعرها "اقلهن مهرا اكثرهن بركة” رجل حقيقي
@Lomi_19 طيب وشفيها بنتـه وهو حر لو يزوجها بنص ريال عادي امهاتنا تزوجو بقرش
@salemalbugame ليس قيمة ومكانة العروس في سعر مهرها،، واللتي تطالب بمهر باهض وترفض مهر بخيس كمن قبلت بيع نفسها لازواجها
@s02500s37 انا ابوي ماطلب الا الف وزوجي عطاني 70والحين لاتهاوشنا اقول له ترى مالك عندي الا الف اعطيك اياها واتطلق
@_6_Queen بكرا الخمسه دي ح يتحسف عليها ! ماتنفع البنت هالتنازلات دي ! بالذات دا الووووقت
@eng_abumishari ونعم الأب لكن هل يقدر الزوج موقف هذا الأب الشهم، ونعم النسب والله.!
@nadm__30 بيتبع السلف الصالح ويسوي مثلهم لكن الي عندنا بيفهمون؟ بيجيهابعد شهر ويعيب عليها وعلی مهرها واقعدي انتي وخمستك
@noone_386 واخر شيء يذلها بهالخمسة مثل هذيك الي ذلها بريال قلنا ييسروا المهور بس مب كذا؟ بعد من حق البنت تفرح بنفسها!
@alsalim_a في آباء كثير يزوجون من غير مهر او بمهر رمزي لكن للأسف في عقليات ماتقدر وتفهم هالشي وتحسب الأب مرخص بنته
@7Madani7 يعني يا اما يدفع آلاف مؤلفة او مبلغ بسيط؟ مافي حل وسط ؟والله يا السعودية ههههه الله يوفقهم
@sadsad7777 مشكلتكم ان ع بالكم ان المهر هو الي يعزف الشباب عن الزواج. لا والف لا تكاليف الزواج هي الي تعزفهم عادات عقيمه
@b5eet12121 أنا معارض من حق الزوجه تكشخ وتلبس وتبي أشياء كثيرة 10000 ممكن خفيفة على الزوج والزوجة تقدرتخلص أغراضها المهمة
@ayed2355 بلاهة إجتماعية .. ماهي المؤنة التي بخمسة ريالات ؟!
@fa99hdALharbi الله يوفقها ويسعدها .. لكن الاجدر ان تاخذ مهرها اسوه بكل البنات ماالفائده من الخمس ريالات !!!
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
