شهد عام 2012 أحداث عديدة ميزته عن غيره من السنوات خصوصا في جمهورية مصر العربية، ومع اقتراب انتهائه وبداية العام الجديد 2013، قام أحد المغردين بإنشاء هاشتاغ حدث في 2012 وسجل المغردون المصريون تحته أهم الأحداث التي شهدها هذا العام حسب وجهة نظرهم:
@dardachat اول مرة من عام 94 اول مرة تستخدم صواريخ سكود في الشرق الاوسط بداية من يوم 12 ديسمبر استخدمها بشار ضد شعبه
@EgyBirdsEye الناس بتتابع ذا فويس رغم وجود قتلى واشتباكات وبعد كدة يقول ما ينفعش استفتاء في وجود دم
@Abdullaaah99 مذبحة بورسعيد - إنتخابات الرئاسة - قطار أسيوط - أحداث محمد محمود - أحداث الإتحادية - الإستفتاء على الدستور - نهاية العالم.
@neversaydiee مؤامرة من اوباما على ابو اسماعيل لتلفيق المرحومة امه الجنسية الامريكية و اختفاء الجرين كارد في ظروف غامضة
@E_El7addad اول انتخابات رئاسيه ف تاريخ مصر .. جابتلنا مرسى و الشفيق فريق
@MiraKadry انقراض العوكش و ظهوره من جديد في نفس السنة
@neversaydiee ظهور فصيل غريب من الكائنات على الكوكب غير معروف اصله يتميز بالدقون يطلق عليه اسماء زي ابو اسلام و عبد الله بدر و خالد عبد الله
@ahmedsamy429 خروج طنطاوى وعنان
@Mahmoud_ashf قطر اسيوط ............. و في نفس اليوم الاهلي بطل افريقيا
@Isma3ilMoustafa كارثه ادت بنا الي فقدان 74 شاب في مباراه كره قدم تحت اسم مذبحه بورسعيد
@EgyBirdsEye خروج تهاني من المحكمة الدستورية لولولولولولولي
@ChahnazElKordy اللي كانوا ثوار بقوا فلول و الفلول بقوا ثوار. و الإخوان؟ لأ هم بين الاتنين علي حسب مصلحتهم.
@EgyBirdsEye وفاة عمر سليمان .. نجاح احمد شفيق بربع الاصوات في انتخابات الرئاسة الجولة الأولى
@ali_mahdi22 تولي اول رئيس (منتخب)و مدني في تاريخ مصر الرئاسة بعد ثلاث دكتاتوريات (عبد الناصر/السادات/مبارك) حد عندة اعتراض!!!
@nanasaeed1 وصول مرسي لحكم مصر ووقوفه امام ميليشياته فاتح صدره اهو مش لابس حاجه انا مش خايف من مليشياتي
@ahmedsamy429 ابوتريكه يلعب ف الاولمبياد وبطل افريقيا ويلعب كأس العالم للاندية واحسن لاعب فى افريقيا
@Mahmoud_ashf كارمن سليمان فازت في "عرب ايدول "
@rez2awy كنا فاكرين ان العسكر هيستولوا عالبلد واتضح العكس
@Khalood_Ua جمهور بورسيد جاى جرى علينا ,, قتلوا اغلى الصحاب قدام عنينا
@mai_mesh_may ريحة الدم فى كل حتة فى البلد
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
