اثار مقال يتهم من خلاله صفحة ساخرة على مواقع التواصل الاجتماعي تحت اسم "ابلة فاهيتا" بالجاسوسية واستخدام الكلام المشفر موجة من السخرية والتهكم في مواقع التواصل الاجتماعي وخصوصا تويتر:
@sherif_alaa واحد بيقول أبله فاهيتا جاسوسة،والتاني بيقول لولا السيسي كان زمان الجيش التركي في التحرير،وواحد بيقول مرسي كان أعظم رئيس في تاريخ البشر
@mo7amed_5alil أبله فاهيتا عميله مزدوجه أصلاً
@DeepState4Ever الأجهزة لما بتعمل اختراق بتعمل عنصر تشويش، يخليك ما تصدقش عنصر الاختراق الأساسي او تستهيفه دي شغلة أبله فاهيتا، التشويش
@HebaTolba_ أصلاً أنا ماكنتش مرتحالها أبله فاهيتا دى! والا السوسة اللى اسمها كركورة
@SaraMeret الاكثر بلاهة من ان واحد يقول ان ابلة فاهيتا جاسوسة، ان يطلع ناس تانيين معاتيه يأكدوا علي كلامة!
@teeekh ياللهول .. ابله فاهيتا طلعت جاسوس علي مصر !
@eltaib_omran أخر الأخبار أبلة فاهيتا طلعت سباى يعني جاسوسة يعني بصاصة يعني ديفيد شارل سمحون
@AhmedSobhi100 منستغربش لو طلع لابله فاهيتا أمر ضبط وإحضار في النيابة
@mo7amed_5alil بلد توفيق عكاشه بيشكل الرأى العام بتاعها طبيعى جداً ان أبله فاهيتا تطلع جاسوسه فيها
@LuluDeRaven "يا سيوسيو" الي بتقولها ابلة فاهيتا اصلا كلمة عبرية تعني تسقط مصر
@mustafabashary ابله فاهيتا جاسوسة انا كنت متأكد كنت متأكد مع اني كنت شاكك، طيب بالنسبة لبقلظ وماما نجوى اخبارهم.اية في التجسس
@DrAhmedHefny قلبي مش قادر يستحمل البهايم دول!!! أبلة فاهيتا جاسوسة للموساد الإسرائيلي وبالأدلة..
@SafaaFikri متزعلش نفسك يا برادعى انهم بيقولوا عليك عميل وجاسوس دا أبلة فاهيتا شخصيا بقت عميلة وجاسوسة !
@AElMassry الشعب المصرى فشخ الخيال !!!! مش الواقع خالص قالك ابله فاهيتا جاسوسه للموساد
@AboulNasr طلعتوا ابلة فاهيتا جاسوسة للموساد اية فيلم الجاسوسية الهابط دة هييجي علينا اليوم اللي نتضامن فيه مع ابلة فاهيتا!
@hebaelganiny طب كده يبقي ابلة فاهيتا جاسوسة و اوباما عضو في الإخوان و عنده "كارنيه" عضوية. .و انا "مارلين مونرو
@Dodoonly2006 ههههههههههههههههههههههه حتى ابلة فاهيتا ما عتقوهاش من التخوين :))
@Menozzzzz يا ولاد العبيطة .. جاسوسة؟!!!! احنا وصلنا للمرحلة دي من العته فعلا؟!!!!
@emaaa33333n البلد اتهطلت ياجدعان !! مين ابو عرايس ده راخر!! ابلة فاهيتا جاسوسة يبقى اكيد بوجي وطمطم اولاد موشى ديان!!! ربنا يهدكم
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
