بعد تعرض سبعة جنود مصريين للاختطاف في جزيرة سيناء في مصر وبسبب المشاكل الكثيرة التي تعاني منها سيناء قام عدد من نشطاء موقع التواصل الاجتماعي تويتر بإنشاء هاشتاغ للمطالبة بتعديل اتفاقية "كامب ديفيد" مع اسرائيل وبقاء قوات الجيش للسيطرة الكاملة على سيناء:
- حماية ارضنا من الارهاب وتلاعب اسرائيل وتلاعب حماس وحماية ابنائنا من المخدرات يتطلب فرض السيطرة بتعديل كامب ديفيد
- و كالعادة تستمر الانبهارات سايبين الكهرباء و السولار و المهطوفين في سيناء و مسكوا في حاجة بقالنا كذا سنة عايشين بيها !
- مش عايزين حد يعبث بأمننا القومي أكتر من كده ، كفاية مشكلتنا مع دول حوض النيل و حدودنا الغربية .
- وضع المنطقة العسكري والأمني والفوضى في المشهد لم تعد تسمح ببقاء سلاحنا و جيوشنا خارج سيناء يجب أن تكون مدرعاتنا في طابا
- طبع اليهود طبع غدر وخيانة .. هذه الوثيقة حتى وإن التزمت بها مصر فإسرائيل لن تلتزم بها .
- وكائن خطف السبع جنود هو ما سيحركهم ل تعديل كامب ديفيد ...رحم الله شهداء رفح ..اعقلها بتعمير سيناء وبعدين توكل وفاوض للتعديل
- طيب فين المشكلة مافيش سيطرة امنية كاملة على سيناء ... ليه بسبب معاهدة كامب ديفد ... نطالب بألغائها او تعديلها ....
- الاتفاقية اتعملت واحنا في موقف ضعف مش قوة . واحنا مهزومين عسكريا .عايز تعدل الاتفاقيه و تحط شروطك؟ لازم تبقى في موقف قوة
- اكيد مش هنسيب مصير سينا اللى فى ناس فدتها بروحها يفضل متحدد باتفاقية من اكتر من 30 سنة
- لأن بصراحه الي محافظ على أمن سيناء هم شيوخ القبائل الي عايزين يجيبوا هيجيبوا !
- سينا مرجعتش لينا,لا تنمية اقتصادية و لا حماية أرض,ولا حدود,تشبه قطعة أرض مهجورة لا عارف تزرعها و ممنوع تبنى فيها!
- مفيش وقت مناسب لتعديل الاتفاقية أكتر من دلوقت !، اضطراب في سيناء واضطراب في المنطقة ودعم شعبي
- من الطبيعي ان يتغير اي عقد بين الطرفين بعد فترة ما ...فمن حق الشعب المصري المطالبة بتغير الاتفاقية !
- لو فرضنا إننا نقدر على تعديل كامب ديفيد السؤال بقى مين الراجل إبن الراجل اللى يقول كده لإسرائيل إذا كان أقسم على إحترام المعاهدات !
- لأن كامب ديفيد همشة سيناء وجعلتها مدينة شبه مستقلة عن مصر مما أدى إلى هذه الفضيحه ! إختطاف جنود داخل وطنهم !
- انا من رائي ان الدولة معندهاش هيبة ف مش هتفرق تعديل الاتفاقية او لاء
- أجزم أن أعدادا غفيرة من جيلي ولا الجيل الذي يليني لم يطّلع على ما يسمى هزلا باتفاقية السلام وأسميها أنا ذل كامب ديفيد
- فتح ملف تعديل كامب ديفيد حلم نفسي يتحقق ، لكن عمره ما هيتفتح طول ما الدولة أصلاً لسا بتاكل ف نفسها ، ولنا في وزارة الثقافة خير مثال
- لأن كامب ديفيد تعني حماية ظهر إسرائيل فتكون إسرائيل آمنة ، ونحن نطالب العكس نريد سيناء آمنة !
- الدوله لازم تفرض سيطرتها الكامله علي سيناء لعدم تكرار المهزلة و لازم كل اللي وقف ضد مرسي يقف مع الحمله . هو ده الوقت !
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
