بعد سحب الطفل بيشوي جرجس مسعد " الارادة الالهية" لورقة من بين ثلاث ورقات تحمل اسم البابا الأنبا تواضروس من بين ثلاث ورقات تحوي اسماء الشخصيات الثلاث التي انتخبها ممثلو الأقباط الأسبوع الماضي للمشاركة في هذه القرعة، تم اعلان البابا الأنبا تواضروس، البابا الجديد خلفا للبابا شنودة الثالث الذي توفي في مارس آذار الماضي.وجاءت التعليقات في موقع التواصل الاجتماعي تويتر على هذا الموضوع:
@mohyoun تهنئه لجميع أقباط مصر باختيار الأنبا تواضروس الثاني البابا ال١١٨ للكنيسة القبطية الأرثوذوكسية متمنيا له التوفيق
@rubyelsony مصر كلها هنأت الاخوة المسيحين مناسبة اختيار البابا الجديد ما عدا مرسى خير ان شاء الله يكونش مش واخد باله ولا حاجة :)
@Shaimaa710 حد يا جماعة يقول ل مرسي ان البابا تم اختياره خلاص. هو نايم ولا إيه؟ مفيش تهنئة؟ حد يقول لعشيرته طيب :)
@O_ghazi نبارك لشركاءنا في الوطن اختيار البابا الجديد ونتمنى أن نجتمع قريبا على مشاهدة انتخابات شيخ الازهر نريد شخصيات وطنية لا فلول
@ragynabil سبحان الله..أشعر بالتفاؤل..فى اللحظة التى رفع فيها اسم البابا الجديد إرتفع نداء الله أكبر مع آذان الظهر..مصر مباركة ومحفوظة بإذن الله.
@H_Edris يا جماعة ماخبيش عليكم انا كنت حاطط ايدى على قلبى لاخر وقت وخايف يطلع الورقة فيها اسم البابا الجديد الكتاتنى
@m__ghobashy نتمنى أن يستدرك البابا الجديد أخطاء سابقه شنودةولا يقحم الكنيسةفي صراعات سياسيةمع ضرورة الالتزام الكامل بالقانون والخضوع التام لرقابةالدولة.
@samirgirgis نشكر كل ما قام بالتهنئة لاختيار البابا الانبا تواضروس وخاصا تهنئة الدكتور البرادعى ... ونشكر السيد الرئيس مرسى على عدم التهنئة
@sabry__mahmoud حزن وحداد بمقر جماعة الإخوان وعقد اجتماع طارئ لمكتب الارشاد لخسارة منصب البابا وغزلان يصرح لن نسكت والعريان :مزورة والبلناجى: الكتاتنى أحق
@ahmed__saeed متحاولوش تدوروا على معلومات تحدد شخصيه البابا الجديد , حاليا مستحيل تلاقوا معلومات حياديه ... اصبروا وشوفوا شغله واحكموا عليه من خلاله
@nadoshegypt وربنا البشر اللي عمالة تقول البابا الجديد كويس و البابا الجديد وحش مش عارفينه اصلا و بيرغوا و خلاص .. الهري لا دين له فعلا
@amralaa_2008 كنت اتصور خطاب رومانسي ( بصيغه رسميه كلاسيكيه طبعا ) يخرح من موسسه الرئاسه لتهنئه البابا الجديد .. يعني هو البابا مش زي شيمون بيريز ؟
@yehiaEL7A2 احلى حاجه فى انتخابات البابا عند الاخوه المسيحيين ان مفيش حد منهم اعترض عليها واللى معترض لم يعلن لإيمانه بحكمه ربنا وقدره .. الله محبه فعلا
@omareraky1 انا بيتهيالي...مش هيجي رجل دين سياسي زي البابا شنوده
@AdonGabr يالا عدوا من دلوقتي ال100 يوم علشان البابا الجديد مايضحكش عليكم زي مرسي
@YasminMahfouz ألطيب و علي جمعة و احمد عمر هاشم بيطالبوا البابا الجديد بالسير علي نهج البابا شنودة !!! و انتوا مالكوا مش يمكن ينتهج نهج يطلع أحسن منه
@SherifEzzat_A اخيرا منصب بدون اخوان.. البابا تواضروس..خايف بعدين يطلعوولنا فيديو او يخرج علينا الشاطر ويقولنا ان اصلاً كل الرهبان اخوان :)
@SuzanHanem الجبهة السلفية: لن نهنئ الكنيسة باختيار البابا إلا بعد تقديم ضمانات ....... طيب ........... و انتم ضمانتكم ايه للكنيسه ؟ الدستور الجديد ؟
@MahammadMohi أفهم القلق الذي يشعر به البابا والمسيحيين لكن نضالنا جميعآ كتفآ بكتف كما بدأنا هو الحل
@MeEeMa23 اخيرا بقى عندنا حاجه جديده فى مصر وعرفنا مين البابا الجديد .. عقبال مايبقى عندنا دستور جديد وبرلمان جديد ورئيس جديد وحياه جديده بجد
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
