أطلق الرئيس المصري محمد مرسي بادرة "اسال الرئيس مرسي" على تويتر يومياً لمدة نصف ساعة من الساعة التاسعة الى التاسعة والنصف للاجابة على أسئلة نشطاء الانترنت وخصوصاً نشطاء تويتر، الا ان اغلب الاسئلة والتعليقات على هذا الهاشتاغ جاءت ساخرة وتهكمية، ومنها:
- طيب واسئل واحد مابيفهمش لية واتعب نفسى مرسى شايف ان الحل فى دولة حسن البناوهى اللى هاتخلى مصر دولة محترمة يبقى اسئلة لية
- هو بديع والشاطر عارفين انك هتعد ع تويتر اخدت اذنهم ولا انت بتشتغل ع مزاجك,انا قلت انبهك لحسن يقفشوا عليك ويذنبوك ع الحيطة.
- طب سؤال بجد مش تهريج: إيه أحساسك وانت أكتر أنسان بياخد تريقة وتهزيق على وجه الأرض ؟!!
- نفسى أعرف حاجة واحدة يا سايدة الريس ...هو الدم اللى فى الشوارع لو انت مش مسؤول عنه من المسؤول ؟؟
- مرسي الإنسان .. يحب يقول ايه لمرسي الإخوان ؟
- هو رجاء . بعد اذن سيادتك لو حسيت فى لحظه ان الوظيفه كرئيس جمهوريه صعبه عليك ياريت تسيبها واحنا هنتصرف
- ايه سر حبك للخطب ؟! كنت بتغنى زمان فالحمام ؟!!! وميعاد الخطبه الجايه ؟
- عندما رايت هاش إسال الرئيس ... إشتقت لسؤال الرؤساء جميعهم " بديع - خيرت - مرسي "
- الى يدخل على هاشتاج إسأل الرئيس مرسي ويشوف مدى سفالة وحقارة وقلة ادب المعارضين ما يستغربش من الى بيعملوه ف المظاهرات من حرق وقتل وسحل
- يقال ان مبارك لو خرج هيخرج على قصره في شرم هل في اجراءت هتتخذوها لمنع ذلك ؟
- فعلها جمال مبارك من قبل عندما اراد تجميل صورته من اجل التوريث قبل عدة سنوات ... لماذا الان ؟؟؟؟
- شعورك ايه لما تعرف ان موسعة جينس اختارك لأنك ضاعفت ديون مصر فى أقل من عام ؟
- كلنا عارفين ان كان في خلاف مع ام احمد علي نوع سيراميك الحمام يا ريس الشعب من حقه يعرف اختارتو اية كيلوباترا ولا رويال ؟
- قالك إسأل الرئيس مرسي بسرعة علشان الشاطر عنده و هايجاوبك .. و مرسي يتحدى قنديل في السنافر بعد ما لعبوا في يوم اليتيم و لا عزاء ل مصر
- بتعرف تزغط البط؟ .. اصلي عكشاوي ولازم تعرف تزغط البط عشان تبقى رئيس
- كنت بتشتغل ايه في ام وكاله ناسا دي وكنت بتتكلم انجليزي ولا كانت الجماعه باعته معاك واحد يترجملك
- كان نفسى اسال بس للاسف زمان المرشد نام فاكيد مش هتجاوب
- عمرك فى يوم من الايام كان لك حلم ان تكون رئيس لدولة بحجم مصر؟ هل تمتلك الطموح و الشجاعه؟اتفرجت على فيلم ظاظا لهانى رمزى؟
- مين اللي بيحكم مصر بس حلفتك بالله تجاوب بصراحة حضرتك ولا بديع عشان انا صوتلك انت مش لبديع بس جولة تانيه بس الصراحة ؟؟؟
- بالنسبه للي معندوش تويتر وبالنسبه للمواطن العادي الي مش بيدخل نت اصلا وبالنسبه للي معندوش كهربا في البيت ؟؟ يكلموا مين ؟!
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
