أثار قرار نقابة المعلمين في الأردن بالاضراب لحين تنفيذ مطالبهم موجة من الجدل والتعليقات المتضاربة ما بين الرافضة لهذا الإضراب والمتضامنة معه، وفي موقع التواصل الاجتماعي تويتر أشعل اضراب المعلمين موجة من التعليقات من أبرزها:
@Su7aibgh لو المعلمين مو متضايقين كان ما عمل حدا منهم اضراب
@NadineRadaidah بمناسبة اول يوم دراسي ..... كيف المعلم عم بطالب بحقوقه .. وهو اصلا ما بعمل واجبه !!!!؟؟
@Nader_Najadat لازم ترجع هيبة المعلم و العسكري من يوم ما تحجمت صلاحياتهم و البلد سيئ لا اسوء صرنا نسمع عن حوادث و جرائم جديده كل يوم
@Alkarakjo عمرك كان حلمك تكون معلم ؟ ﻻ ؟ طيب ليش ؟ ﻻنه انا وانت وهو عارفين انها وظيفة ما بتطعمي خبز صح؟ طيب انا مع اضراب المعلمين عشان تصير تطعمي خبز
@AhmadAldeek اذا كان العمل في المؤسسات الحكومية محكوم وناشئ بموجب قانون ف #اضراب المعلمين يشكل امتناع عن تنفيذه بشكل واضح ناهيك عن شل لمرافق الدولة
@NoZeid ازا وضعك مرتاح "ماديا " ومش فارقة معك المصاري غيرك بتفرق معه والمعلمين مش متطوعين بالصليب الأحمر عشان يتحملو !
@tola_adnan اللي ضد اضراب المعلمين : الدولة عملت اشي غير رفع الاسعار عليك و كل يوم ضريبة جديدة طيب عملوا لأخوك او ابنك ملاعب او مراكز صيفية !!!
@sajaalhourani عزيزي الدكتور و المهندس و الممرض و الي بتاخدو رواتب محترمه ربنا يتمم عليكم تتفلسفوش عواحد بياخد نص راتبكم و بقول يا رب فرجك
@talairsheid خلي فبالك انه المعلم عنده عيلة متلك بالزبط و عنده ولاد بده يصرف عليهم .. مش عايش عشان ولاد حضرتك بس
@banasayeh عتقد ان اللجوء للاضراب في اول يوم دراسي هو قرار غير صائب بالمطلق..بغض النظر عن الاسباب
@ Sameer_AlOtaiby 16 سنة دراسة عشان ياخد 300 ليرة ؟؟ غير الأمراض اللي بتصيبه من ورا زناخة الطلاب
@QZaareer انا مش مع الاضراب لكن مع مطالب المعلمين فيه اكثر من طريقه تطالب بحقك
@Malekbatainehm لما استاذ يضرب طالب لانه هامل وقليل حيا وما بدرس وتيجي بعد شوي دورية شرطة تأخذ الأستاذ من المدرسة ف حقهم يعملو أكثر من اضراب
@hamzaessa94 هسا الدنيا كلهااا بتقوم على المُعلم عشان طالب بأبسط حقوقه الي الدولة المفروض توفرهااا ...!!!! الاضراب حَق مشروع
@enkaramb بخسرّوا الدولة إشي في إضرابهم بس بطالبوا بحقوقهم مش بإشي عظيم وصعب مشان هيك لا حدا يتفلسف ويعمل حاله عنده إنتماء على دورهم
@salamehjarajreh و ما حدا يزاود بالوطنيه ع المعلمين .. ولا يفكر انه بس هوا بده مصلحة الاجيال ... مش انت الي بتضل واقف طول اليوم تدرس و تعلم
@abood_hija طول عمرنا منسمع عن ناس بتضرب وبطالب بحقوقها بس ولا مرة حدا نتقص من وطنيتهم غير هون بالأردن
@AwsGfx اضراب الممرضين استمر 10 أيام .. وتم تحقيق جميع مطالبهم !! وليش واقفين ضد المعلم ؟
@Ebaa_Qudah لما يكون المعلم مُهان وما إلو إحترام أنا بكون مع الإضراب
@narjeseya7 قي معلمين مشان الروتين رايحيين يضربو و في معلميين جد مشان حقوقهم و بين هدول و هدول صارو الناس يطنشوهم
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
