أطلق المرشح الانتخابي الأردني المثير للجدل "شبلي حداد" اغنية مع المطرب الأردني وسام سلطان بعنوان " صوتك امانة" وذلك لتشجيع المواطنين الأردنيين على الانتخاب خصوصاً مع وجود فئة كبيرة مقاطعة للانتخابات النيابية الأردنية بسبب قانون الانتخاب، يذكر أن المرشح شبلي حداد أثار حوله العديد من الجدل بسبب أفكاره وحوارته وصورة المنتشرة على مواقع التواصل الاجتماعي الى حد جعل العديد من الأردنيين يصفونه بـ "قذافي الأردن" ومن اهم التعليقات التي جاءت على الاغنية:
- Omar Almahmoud من الواضح تعدد مواهب مرشحنا الاستاذ شبلي فتارة يرتجل الخطب العصماء عند افتتاح مقره و تارة يغني دويتو و تارة يعبي بنزين 90 و أخرى تلقاه على التراكتور بحرث و مرة وحدة بتلاقيه بنشرجي الله عليك الله
- Abu Khalid بيكفى انك ع نياتك وصادق بجد حبيتك ولو انا اردنى انتخبيتك تحياتى لك شبلى ولاخوتنا اهل الاردن الحبيبه ع قلبوبنا
- Jhon Stewart حبيب ألبي شبلي شو رأيك تعمل غانغم ستايل؟ و العالمية مضمونة على طول
- Belal Al Husban نعم لدعم الفن نعم لدعم الشباب نعم لدعم الرياضه......روح طالعه طالعه طالعه
- Mutaz AlQudah نحنا معك يا ابو توفيق , يا زلمه انته ما في منك انت بتاع كله , مغني على نائب على اعلامي على كل اشيء ههههههههه
- Salma Shtewie يا ويلي والله لو تصير مطرب بتشبه شعبان عبد الرحيم اصلا احلى انت
- Zeze Muhmad لا هيك كتير حرام هلا وائل كفوري بينتحر
- Rashed Farajat والله يا شبلي لو تعمل برنامج اذاعي والله لتغطي ع محمد الوكيل
- Amjad Al-ali يا زلمه وشرفي انك نهفه .... بس لو انك نزلت بقائمه احسنلك عشان الكل يقدر ينتخبك .... لانك صرت معروف ... وصدقني غير اكون اولهم لو انك بقائمه
- Lana Jordan نكهة اخرى اضفت للانتخابات الاردنية غير نكهة المناسف المعهوده
- Osama Kawar يا زلمة وبعدين معك الواحد مش فاهملك كوع من بوع .... على كل حال قربت تخلص ونخلص من قصصك ... يا ابن الحلال إحنا مش متعودين على هيك حركات ... يمهل ولا يهمل ... الله يعوض
- Kaboos France Wehdat يارب تنجح عشان يصير عنا قذافي في الاردن
- Bashar Ahmad يا اخوان اللي من مادبا ارجوكم لا تفشولنا مع الزلمة .. صدقوني رح ننبسط كثير اذا نجح .. أرجوكم لا تضيعوا علينا فرصة ثمينة بوصول شلبي إلى المجلس
- Odai Emad Hourani نياله على نفسيته قد ما واجه شبلي صعوبات و مشاكل في ماضيه يستمر بالضحك و المزح و الفكاهة استمر يا شبلي الى الامام
- Ali A. H. Al-Sawalmih ممتاز بكره بيكون في دي جي في البرلمان
- Aseel Tobasy عاد كنت ماشي بالكوميديا ..ولا بدك تجرب كل انواع الفن؟!
- Razan Othman Khawaldeh جد انك مو طبيعي .... والله يا خوفي تنجح يوم الاربعا ؟؟
- Amna Abu Safat يا رب ما تخلص الإنتخابات عشان نضلنا فرحانيين ومبسوطين بشوفتووووووو
- Lana Jordan نواب خلاقين ومبدعين ... افضل من معجزة الدغمي بتحويل الخمر الى تفاح
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
