اثار طلب الدكتور محمد البرادعي مؤسس حزب الدستور وجبهة الإنقاذ الوطني بتغيير وزير التموين باسم عودة في التعديل الوزاري القادم. ردود فعل متضاربة في مواقع التواصل الاجتماعي وذلك لاعتبار البعض ان وزي التموين هو الوزير الوحيد الذي يعمل بضمير وبشكل مستمر في الوزارة وان مطالبة البرادعي باقالته خطأ كبير يحسب على جبهة الانقاذ ومن التعليقات التي جاءت على الموضوع:
- باسم عودة اكتر وزير شوفته شغال ف مصر كلها قبل وبعد الثورة ياريت الناس كلها زيك ونشيطه وبتفهم زيك ربنا يحميك
- هل يلاقي وزير التموين باسم عودة نفس مصير احمد رشدي الوزير المخلوع ام سيتحرك الشعب ليقف وراؤه ؟
- بحد جبهة الانقاذ بلغ بيها التخلف والانحطاط انها تطالب باقالة باسم عودة !!!! السياسي الوحيد الي الجماهير بتأيده
- باسم عودة اعطى لجماعته حق توزيع العيش فى كذا محافظة .فشل فى حل ازمات السولار المتكررة ..فشل فى توفير نصف المواد التموينية فى اخر شهرين
- الراجل كان امبارح من الفجر لغاية العصر في الوادي الجديد يتابع عملية الحصاد وبعد كدا سافر اسوان بميكروباس رغم ان من حقه يركب طياره
- جبهة الانقاذ عاوزه تشيل باسم عودة اللي هو أكتر وزير بيشتغل ف الحكومة دي عشان إخواني...الناس دي عندها "فوبيا إخوان"مفروض تروح تتعالج
- حاجة غريبة مش قادر افهم باسم عودة وزير تموين زكي ونشيط وفعال أمام الجميع لية البرادعي يطالب بإقالته هو بالذات ؟؟؟؟؟؟؟
- العيش المدعم عندنا بقى تحفة للأمانة انا اتخضيت لما شوفته عندنا فى البيت
- وزير يعمل من اجل وطنه..ومعارضة تتاجر بالوطن وقضاءيستجدي امريكا للتدخل بالشأن الداخلي. اذالم تستحي فاصنع ماشئت.!
- و تشعر أن باسم عودة هو بديل مرسى فى الانتخابات الرئاسية القادمة , الإخوان بتنفخ فيه أكتر من مرسى نفسه و من مشروع النهضة.
- نفس الناس الذين كانوا ينتقدوا قواعد اختيار الوزراء القائمة على الثقة وليس بالكفاءة ينادون اليوم بعزل باسم عودة
- الوزير الشاب الدكتور باسم عودة يتنقل كالنحلة بين محافظات مصر في تصميم و مثابرة من اجل الاكتفاء الذاتي الغذائي ندعوا الله له ان يسدد خطاه
- الواضح ان جبهة الانقاذ لا يهمها مصلحة البلد بقدر ما يهمها الا ينجح احد من الاخوان.هل بقاء باسم عودة في الوزارة خطر علي الانقاذ
- طيب سؤال بجد، إيه إنجازات باسم عودة غير إنه عنده كاريزما وبيعرف يتصور كويس؟ إنجازات ملموسة أقصد.
- المعارضة سابت كل الوزراء وبتطالب باقالة باسم عودة اللي مفرح الغلابة بالرغيف الجديد والتفتيش على المخابز والمزارع..اذا لم تستحي فاصنع ما شئت.
- من غير تلميع جهودة وضحة وملموسة على أرض الواقع والكل عارف انة وزير كفئ واللى يقول غير كدة جاحد " الدكتور باسم عودة وزير التموين "
- إلا باسم عودة ... دا أنا عايزه رئيس وزراء .. يا جبهة الخراب يا أولاد الخراب
- الدكتور باسم عودة .. هو الوزير الوحيد اللى اول مرة يجمع عليه الشعب مؤيد و معارض على نشاطه و نجاحة خلال الفترة القصير
- حينما تعلم أن البرادعي ومن معه يريدون تغيير وزير التموين الناجح دكتور باسم عودة فستدرك ما بداخلهم من حقد وكره بغيض ولايريدون صلاحا لمصر!
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
