ظهر شخصان ملثمان على قناة التحرير بداعي انهم من مجموعة البلاك بلوك تحدثا عن أفكار المجموعة والطرق التي ستتبعها لاستكمال الثورة وإسقاط النظام .إلا أن الكتلة الثورية السوداء “بلاك بلوك” نفت علاقة هذين الشخصين بها على صفحتها على الفيس بوك قائلة: "أي حد ظهر في وسيلة إعلامية واتكلم .. مالناش علاقه بيه نهائيا؛ كلهم محبو الظهور والشهرة". ووجهت المجموعة رسالة الى قناة التحرير قائلة: "جيبو أي حد وخليه يتلثم واعمل دعاية لقناتك وبرنامجك" وقد حصد اللقاء العديد من التعليقات على اليوتيوب وتويتر:
@Mohammad_Sobhi لابد من التحقيق مع قناة التحرير لاستضافتها البلاك بلوك العصابات المجرمة ،والمذيعة المجرمة اللي بتدافع عنهم وتقول دي حركة احتجاجيه مش مجرمين
@vlaid خبؤات البلاك بلوك على قناة التحرير.يتم تلميعهم الان و يا حرام هم نشأوا دفاعا عن الشعب بعصاية البسبول.و المذيعة كمان بتغششهم.ياخسارة الرجالة
@MohamedSZ1987 قناة التحرير بتمجد في البلاك بلوك. الحقيقة، يعني، أنا مش مصدق. وبتعترضوا على حب بعض الشباب الاسلاميين لأسامة بن لادن وأيمن الظواهري؟
@klashenkove1 مجلس الشورى يحيل واقعة استضافة شباب البلاك بلوك إعلاميًا إلى النائب العام ... لازم قناة التحرير دى تتقفل وتحاكم المذيعة اللى إستضافتهم
@vlaid كان ناقص فى حوار عيال البلاك بلوك إمبارح على قناة التحرير يعملوا زى محمد هنيدى فى فيلم وش إجرام ويقولوا الخس حقة مهضوم على السفرة المصرية:)
- قناة الفراعين الجديدة هي قناة التحرير .... انثي العكش الجديدة بتقول علي البلاك بلوك دول شباب بيشتبكوا ثوريا ..... يعني ايه ثوريا
- عندي احساس إن المذيعة تعرف عنهم أكتر من نفسهم ، شوفت حتة طب انتو مدربين ,,,انتو مدربين الفلول خلاص لبسوا ثوب الثورة ، ربنا ينتقم من كل من يريد الشر لمصر وللمصرين اللهم آمين .
- انا لو شفت عشره من دول هربطهم فى الشجر وهخلى ابوهم يجى يفكهم احيه دحنا بنفحت فى الصخر وشويه عيال زى دول عملين نفسهم رجاله
- يا اغبية فى امريكا واى دولة متقدمه ممنوع التظاهر بالقناع .. مخربين مين وراكم ماهو لو انتم رجاله اظهروا بوشكم خايفين من ايه ؟؟
- شويه عيال فاضيه ملهمش في السياسه ولا ليهم في حاجه ولا حتي عارفين يتكلمو ومذيعه كل هماه تشوه صوره الاخوان
- ماليشيات اخوان ايه يا هانم انتوا قطعين حته من مسلسل الجماعه وتوقللي اخوان ............ ربنا يشفي بجد
- على فكرة صفحة البلاك بلوك صرحت ان الناس اللى طلعت على التليفزيون مش تباعهم ومش عايزين غير الشهره
- على فكرة انتم شباب غلبان مش عارف يعمل ايه اودام جبروت الاخوان والناس كلها ضددكم حافظوا على حياتكم اهم واتخلوا عن مشروع البلاك دة وحاولوا تخدموا البلد وحمايتها بشكل واضح علشان الناس تقف جنبكم
- والله ما عارف ارد اقول ايه ،، غير المفروض القناه دي يتحقق معاها بسبب هذا اللقاء
- ايه الهرتله دى ، مين المذيعه دى اصلا ؟؟ بالزمة ازاى ان الدولة سابهم ومقبضش عليهم وهما فى الاستوديو .. حلوه اوى والله اللى بيحصل ده
- مبروك النقاب المهم يكون عن اقتناع
- اول عقيدة للبلاك بلوك هى عدم معرفة هويتهم والابتعاد عن الاضواء انا ممكن اجى البرنامج دا واقول انى من مليشيات الاخوان بس هاقفش كام ؟؟؟؟؟؟؟؟؟
- على الدولة أن تتفاعل مع هؤلاء الشباب وتوجيه طاقتهم للبناء بدلاُ من الهدم
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
