سخر الكاتب الصحفى إبراهيم عيسى, من الرئيس محمد مرسى حول الإعلان الدستورى الجديد الذى يسمح له بتغيير شكل مصر بسلطانه، مشيرا إلى أن الآلاف أعطوا أصواتهم لمرسى كراهيةً فى الفريق أحمد شفيق المرشح الرئاسى السابق. وتلا عيسى , آيات القرآن الكريم فى سورة الحاقة “هَاؤُمْ اقْرَءُوا كِتَابِيَهْ ” وأيضا الآية ” هَلَكَ عَنِّي سُلْطَانِيَهْ”، متهكمًا من قول الله عز وجل، قائلا: “سلطانية سلطانية دة سلطانية محمد مرسى”. وقد اعتبر الكثير أن سخريته كانت من القران الكريم أكثر منه من الرئيس مرسي مما اثار غشب واستياء العديد وجاءت ردود الفعل على الحلقة كالاتي:
@manaliana ابراهيم عيسى ظن أنه عندما يهرج أو يستظرف سيكسب متابعة جماهير أكثر، اسوة ببرامج السخرية مثل باسم يوسف، المشكلة أنه لا يدرك أنه عالة من أصله.
@AmePassionate واحد زى ابراهيم عيسى ده بيخلينى ابقى متطرف ارجع اشوف خالد عبدالله اقول الحمد الله على نعم الوسطية ابوكو انتو الاتنين
@elbatesh بالنسبة للأخ ابراهيم عيسى، انا متأكد انه في يوم من الأيام وهو بيتنرفز دماغه هتنفجر زي الكائنات الفضائية الي كانوا في فيلم mars attacks.
- الايه دى اساسا بيقولوها المتقين يوم القيامه وطبعا دا جاهل مش فاهم حاجه بيركب كلو ع بعضو كرها فى دين الله وخلاص
- ابراهيم عيسى بدا يظهر الوجه الحقيقى للعلمانية يتعدى كل الخطوط و يستهزئ بآيات القرآن
- حسبى الله ونعم الوكيل يا اخى يارب ينتقم منك والناس كلها تشهد اليوم ده
- هوا فين التعدى دة
- حسبنا الله ونعم الوكيل في كل من تعدي علي كتاب الله والرد علي الشخص اذا اخطا ليس بالتعدي علي كتاب الله والخوض في اياته
- اشوف فيك يوم يا ابو حمالات والله جدع الريس مرسى الراجل اتجن خلاه يرقص يا رب انتقم من يسئ للاسلام
- انا شايف ناس كده متغاظه وبتشتم فيه ليه يا جماعه كده مهو الراجل عنده حق والزند عنده حق والنائب العام عنده حق طالما عندك رئيس مش راجل مش عارف يلمهم فى سجن مع بعض
- قد بدت البغضاء من أفواههم .. وما تخفى صدورهم أكبر
- لا حول ولا قوة إلا بالله ....... هوا إحنا بقينا في زمن الفتن؟.. ممكن أي حد يفقد دينه في لحظة كده؟... سترك معانا يارب.
- كل واحد بيترجم كل حاجة على مزاجة , بس فى الاخر الله اعلم هو قصدة ايه او مش قصدة , ولية رب يحاسبة وبطلوا شتايم فى بعض
- لأي مغفل يقول إنه استعمل ذلك ليس بغرض الاستهزاء بالقرآن لكن استهزاؤه للإخوان .. هي الدنيا ضاقت بيه و لما يستعمل السخرية يسخر باستعمال كلام الله .. و الله عار علكم أيها الحمقى يا من تغارون على إبراهيم عيسى أكثر من غيرتكم على القرآن و الإسلام
- هو مش بيسخر هو مش حافظ الايه من اساسه بيقولها ليه الله يخرب بيتكم كرهتونا في كل حاجه في البلد دي
- انا شوفت الحلقه وهوه مش يقصد استهزاء بالدين وﻻ بالقران هوه فعلا اسلوبه ساخر وناقد لﻻخوان بس بصراحه عنده حق وكلامه منطقي جدا وهوه من القله اللي مغيروش رأيهم قبل الثورة وبعد الثورة
- الجهل لا دين له .. اذا كان قالك الحجاب مش فريضه ومذكرتش في القرءان ربنا يهدييييييييييك علشان الي بتقوله ده حسابه كبيييير عند ربنا
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
