اثار خبر منح دولة الكويت مملكة البحرين مبلغ مليار و300 مليون دولار امريكي ردود فعل واسعة ومتضاربة على المنحة وقد جاءت هذه المنحة لتمويل مشاريع انمائية في مملكة البحرين وتقدم هذه المنحة ضمن إطار برنامج دول مجلس التعاون لدول الخليج العربية لتنمية دول المجلس ومن اهم التعليقات التي جاءت على هذا الخبر في موقع تويتر:
- الكويت تمنح البحرين مليار و300 مليون دولار لو هالكلام يصير بدولة اوربية كان نتفوا رئيس الحكومة ووزرائه بس الشعب ماله قيمة عندنا
- البحرين دوله اصغر من الكويت ومع هذا خدماتها افضل من الكويت وتاخذ قرض مو عشان شي ركزو بس تبني للوطن والمواطن اهم شي المواطن عندها يستاهلون
- البحرين تستاهل مافي شك ولكن الكويت ماكو بلد بمشارق الأرض ومغاربهاالا وعطوهم وفي بلدي الأسكان والصحه والتربيه فساد بفساد
- المفروض البحرين ترد الفلوس وتقول للحكومه حنا مطورين اكثر منك وخلو فلوسكم لديرتكم
- الكويت تعاني من مشاكل ١٠٠ ألف طلب سكن - مشاكل معاقين - ازدحام شوارع - أزمة كهرباء وتمنح البحرين مليار و ٣٠٠ مليون لعلاج نفس المشاكل.لا تعليق
- تتبرعون للبحرين بمليار و٣٠٠ مليون للمشاريع والتطوير أصلا شوارع البحرين ومشاريعها متعديه "الكويت" بمليون سنه ضوئيه
- الكويت تمنح البحرين مليار و300 مليون...هنا ذلوا الشعب ذل على اسقاط فوائد القروض...انا اقول المثل المصري اللي يعوزو البيت يحرم على الجامع
- يامثبت العقل والدين الكويت تمنح البحرين هذا المبلغ والبحرين دوله غنيه والكويت فيها من الفقراء من يسكنون العشش وياكلون من القمامه
- الكويت تتبرع حق البحرين !! هذا الي يقول باب النجار مخلع !! نغيب عن البحرين شهر نرجع متغيره !! وبالكويت بس فالحيين يتبرعون !!
- تستاهل البحرين ، بس العجيب والغريب ليش اذا المواطن طلب شي قالوا عندنا عجز بالميزانية !؟¡
- والشعب الكويتي يعاني ويحتاج هذي المشاريع
- غلطانة الكويت !! المليار اهني بيضيع في الحسبة وينشفط .. لو كان عندهم عالاقل بنعرف انه بيروح حق المواطنين
- أهي لو على منحة البحرين تهون مليارات راحت بره وشوارع الكويت ومستشفياتها ومرافقها من سيئ الى أسوأ الله المستعان
- المضحك ان الكويت عطت البحرين مليار ونص وعمان مليار ومافيها منه اشقاءنا ولكن البحرين متقدمه علينا ب101 مرتبه وعمان ب84 مرتبه بالتكنلوجيا
- 445 مليون من الجارة الحبيبة 1.3 مليار من الكويت! يبدوا ان ثورة البحرين هزت الكراسي في الجوار
- البحرين لاتملك المقومات المالية التي تملكها الكويت ولديها ثاني افضل تنظيم للطرقات بالخليج والكويت بالمركز الاخير ومع هذا نقرضها مليار دولار!
- الكويت تقرض البحرين مليار .. اوكي أمرنا لله بس من وين راح تردها قيمتها البحرين ؟!!
- الكويت تمنح البحرين مليار وشوي حكومتنا بس تعرف توزع
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
