أطلق التلفزيون المصري مؤخرا سلسلة من الاعلانات التوعوية تحت شعار "كل كلمة بثمن.. الكلمة تنقذ وطن" التى ركزت على تحذير الشباب من العملاء والجواسيس بمختلف الطرق. وقد حظى كل من الإعلانين الذين عرضا على التلفزيون بموجة من الهجوم والانتقاد على مواقع التواصل الاجتماعي من قبل رواد تلك المواقع الذين اعتبروا أن تلك الإعلانات تمثل استخفافا بعقول الشعب المصرى وتحمل رسالة أبعد ما تكون عن مجرد تحذير من التورط فى مصيدة الجواسيس والعملاء الأجانب، معتبرين أن المقصود بها إخافة الناس من الكلام في السياسة سواء على المقاهي أو على الإنترنت. ومن أبرز هذه التعليقات:
@el_hosseiny اعلان الجاسوس ده فشيخ عمال اتفرج عليه واتعلم لو واحد اجنبي قالي "ريلي" هقفش أمه وهسلمه لأقرب قسم ولو قالي"انا حبتكم اوي"يبقى اعتراف رسمي منه
@MohebEmad المشكلة في اعلان الجاسوس ان التويت من قلب الحدث او من علي قهوه مثلا بقي شبه مستحيل لو مش عايز مشاكل
@FareedaMohamed الأهبل اللي عمل اعلان الجاسوس ده محتاج يتروق عشان يبقى يشغل المخروبه اللي في راسه بعد كده
@waelsawy333 قابلت الجاسوس النهاردة في محطة البنزين بيسالني 92 ولا 95 بس علي مين ولا عبرته انا مديش اسرار بلدي لحد ابدا
maboulela مين شاف الجاسوس وهو بيبعت المعلومات السرية من موبايله على تويتر والمعلومات هي اننا عندنا ازمة بنزين ومواصلات
@Frida_Ahmedلسه شايفه اعلان الجاسوس، ريلي الاستخفاف بالعقول وصل معاهم للدرجه دي ، دا لو اتفرج ع اي قناه مصريه هايعرف كل حاجه من غير ماينزل الشارع
@buahmed86 الجاسوس زمان كان لازم يبقى شعره اصفر وعينيه ملونة ريلي طبعة جديدة والنية على الراوي
@AhmedAbdlAleem إحنا لو رجالة نعلّق صورة الواد الجاسوس اللى جه في الإعلان في كل مكان في مصر عشان نقبض عليه وننقذ مصر
@mahmoudkhamis4 وعلى رأى المثل .. يا مستني حسين سالم يرجعلك الفلوس .. يا مستني إعلان ريلي يمسك لك الجاسوس .. و عجبى قوتنا في وكستنا
@moud_elsharkawy إعلان الجاسوس ريلي تمت صناعته في أمن الدولة، فعندما دخلت المقر وجدت صورة لشاب وسيم كتبوا تحتها: لا تثق في أي شخص جميل الشكل فقد يكون مجرما
@HossamAsmar ههههه شفت اعلان الجاسوس :) مش عييب جاسوس محترم ممول يمسك موبايل سامسونج جالاكسي ميني ب ٧٠٠ جنيه .. شكرا لجهاز مخابراتنا الجمييل
@mahmouudshalpy اعلان الجاسوس ده بيعكس مدي استخفاف الاعلام الغبي بعقولنا
@gamaleid وإمعانا في التنكر ، قد يرتدي الجاسوس قميص بدل التيشيرت ، بس على مين التليفزيون المصري ناصح قوي
@HebaSakrA بس الجاسوس مايعتبرش جاسوس الإ إذا قالك اوه ريلي غير كده ممكن تتعامل عادي!
@Hsedek مش عارف كل ما اشوف الاعلان بتاع الجاسوس افتكر امي وانا صغير وهيه بتقولي متكلمش حد غريب في الشارع كان ناقص بس تقولي ولو قالك ريلي اطلع اجري
@manarkholy ياترى اللي بيتهم الإخوان انهم هيقضوا ع السياحة شاف اعلان الجاسوس؟؟ بكره يقولك الاخوان هم اللي عملوا الاعلان
@manaliana ذكرني اعلان الجاسوس بسذاجة الدروس الوطنية التي كانوا يلقنوها لنا زمان، زمان قوي! العالم وين واحنا وين؟ الصبر يارب
@AKorayem إعلان الجاسوسية بيدل إن فيه ناس عايشة لسة في الوهم لدرجة إنها ممكن تصدق إن الجاسوس ساذج زيهم
@bassemessam الجاسوس بياخد المعلومات وبيبعتها وهو قاعد على الموبايل.. ده الجاسوسية سهلة أوي يا جدعان
@FinalRule واللي نقدر نستفيده من إعلان الجاسوس .. أن أي واحد بيبص بنظرات زكي رستم في فيلم رصيف نمرة5 وبيقولك ريلي لما تكلمه ... يبقى ده أكيد جاسوس شرير
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
