نشرت صفحة "كلنا خالد سعيد" في موقع التواصل الاجتماعي الفيس بوك فيديو لكواليس لقاء نادر بكار، المتحدث الرسمي باسم حزب "النور" السلفي والناشط السياسي القبطي " جورج اسحاق" يبين العلاقة الطيبة بينهم ويوضح سوء التفاهم الذي حدث بينهم في برنامج "مصر الجديدة" الذي يقدمه الاعلامي معتز الدمرداش على قناة الحياة، وقد حظي الفيديو بالعديد من التعليقات أبرزها:
- Abdo Ibrahim Mohammed مسلم مسيحي ايد واحدة روح واحدة جسد واحد في بلد واحد
- Heba Sanad طيب انا مش فاهمه هو ليه رفض يظهر معاه في الاول...هو ما اداش اي مبرر محترم لكده
- Ahmad Shaheen مش كل الاقباط زى عمنا جورج ولا كل السلفيين زى المحترم الهادى المثقف نادر بكار
- Sawsan Abdeldayem ايه التفاهه دي انا مش مصدقه انكم اصحاب هذا البوست التعايش بيننا أبناء الارض الواحده له أمثله كثيره اعظم من هذا البوست
- Mohamed Ramadan مش موضوعنا نادر ومش موضوعنا جورج اسحاق ... موضوعنا معتز الدمرداش الي كان قاصد يعمل مشكله ويبان هو الوطني الي بيحلها وبيجمع الطرفين علي بعض ... معتز ده ابو ام الفلول الي في مصر
- Aya Elkhatib الفيديو وحش جدا على فكرة هي دي العلاقة بين المسلمين والمسيحيين في مصر دة تشويه للمش شايفة أي جانب إيجابيةحتى لو رجعوا قعدوا مع بعض، مش مفروض يكون فيه رفض أصلا في ظهورهم سوا.واقع !
- Ramy Fadl ما هذا الهراء ؟؟ ما الانجاز فى ان يوافق سلفى على الظهور فى التلفاز مع مسيحي ؟؟ دى خيبة مش أخلاق
- Aya Algohary هل أصبحت البديهيات شيء يستحق الشكر والإعجاب؟ لا أفهم بصراحة الغريب في أنهما يلتزمان أضعف اﻹيمان بالنقاش المحترم هل المفترض مثلا التراشق بالأحذية يعني؟
- Bent Masr لو كان معتز مذكرش الموضوغ مكنش دخل يس لما لقي شكله هيبقي وحش دخل
- Nour Mariam الجميل فى الموضوع يا اللى مش فاهمين ان قفل االابواب امام الحوار والهروب منه مش حل ممكن كل حاجه تتحل بس نجتمع على حاجه واحده وهى حب مصر لو الهدف مصر اكيد محدش ممكن يختلف انها محتاجه كل اولادها
- Ahmed Selim مين نادر بكار ده علشان يرفض يقعد مع المناضل جورج اسحاق ؟! جورج كان بيتبهدل من الأمن فى المظاهرات أيام مبارك ونادر ده كان بيبوس أيادى أمن الدوله
- Mahmoud Samy Fauzy طول عمرى بشوف ان اى شغل يمكن ان يجمع اطياف عدة بأفكار عدة مصر محتاجة شغل من كل الاتجاهات ومش محتاجة خلاف
- أكيد فى سبب قوى لقرار بكار بعدم الظهور مع أسحاق ! بكار شخص محترم ويعرف قيمه الحوار بأدب وأخلاق والدليل رجوعه عن قراره الأول
- ضد تصرف بكار جدا - كنت اتمنى الا يشترك . .
- ليه بقى مانعش كلنا كده بينا وبين بعض حب واخلاق وضمير ؟! ليه نكره ونحقد وندمر ونشوه ونظلم ونفترى نفسى اشوف المنظر ده بين ال 80 مليون مصرى ايا كانت انتماءاتهم او افكارهم او اديانهم او مراكزهم
- برغم أنى مسلم لكن أنا أعرف جورج أسحق من 2005 تقريبا لما كنت أعرف أنه فى حركة كفاية , لكن مسمعتش أسم نادر بكار ده ألا بعد الثورة وتحديدا قبل الأنتخابات
- احاااااا .. احنا مبسوطين ان احنا فى مرحله ان اتنين مسيحي وسلفى بيتكلموا مع بعض ... ايه التطور فعلا اللى مصر وصلتله ده ..
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
