أكد الإعلامي المصري إبراهيم عيسى، أنه لا وجود لكلمة الحجاب في القرآن والسنة، مشيرا إلى أن تعبير الحجاب حديث لم يكن يعرفه الصحابة، والآية التي تتكلم عن الحجاب في القرآن المقصود منها دورة المياه، وهي المكان الذي يحتجب فيه الإنسان ليقضي حاجته. وقال عبر برنامجه “إبراهيم والناس”، إن الحجاب ليس قضية جوهرية في الإسلام، وأركان الإسلام خمسة ليس من بينها الحجاب وأوامر الله لابد من تنفيذها ما دامت واضحة، مشيرا إلى أن ما قيل عليه الحجاب ليس المقصود منه “الطرحة”، وقد أثار رأيه هذا العديد من ردود الفعل الغاضبة والمتضاربة ومن اهم التعليقات التي كتبت على موقع اليوتيوب:
- روح يا شيخ ربنا يحرقك دنيا و آخره
- طاب انتا عايز تعري مراتك وتلبسها محزق وملزق ومسمي نفسك راجل براحتك, لكن تفتي وتستعبط ف فريضة فرضت ف القرآن قبل السنة يبقي اتنيل ونقطنا بسكاتك !!
- إنسان أحمق وجاهل ويسعى للشهرة والتميييز بأي شكل .. ربنا ينتقم منه
- بيحاربوا الاسلام في مصر اكتر من امريكا .... لعنة الله عليكم
- راجل كلامه صخ مليون في المية و الشيخ محمد عبده قال الحجاب ليس فريضة من زماااااان
- يا جاهل في فرق بين أركان الإسلام الخمسة و فروض الإسلام ! يا لهووووووووي ع الجهل xD
- ده من امثال الجهله الموجودن في بلدنا للأسف علشان كدا مصر بترجع لوره
- سبحان الله الدكتور الاحق بالحديث عن الطب والمهندس الاحق بالحديث عن الهندسه اما الدين فأى حد كده يفتى ؟
- السنه اللي فاتت كان عامل برنامج إسمو حاجه تفطر , والله والله كان بينها الناس عن صلاة الفجر في المسجد وبيقول دي حاجه إسمها مظاهر تدين فبلاش نتمسك بالمظاهر ونصلي الفجر في المسجد
- دي سخرية حضرتك من كمية التعليقات اللي بتقول إيه اللي خلاه يتكلم في الدين والحقيقة ان أي حد متابع ويعرف إبراهيم عيسى عارف إنه قاري ودارس وفاهم أكتر من أي حد من شيوخ الفضائيات اللي كل اللي عملوه علشان يبقوا شيوخ إنهم ربوا لحيتهم.
- أن ندني الجلابيب ونغطي منطقة الجيب لا يعني تغطية الشعر .. للأسف على مدى عقود حول الوهابية الدين لمجموعة شكليات ومظاهر ترسخت في وعي الناس بديلا عن أخلاق الإسلام
- حتى لو الحجاب مش فريضه ....انا لا اقبل على امى او اختى او زوجتى او ابنتى الخروج من المنزل عراه الرأس دى طبيعه اى واحد عنده كرامه
- كلام فارغ و الحجاب من صميم العقيدة .. و لو كل حاجة هندور لها على نص صريح من القران و السنة .. يبقى حد يثبت لي ان الصلاه الظهر اربع ركعات
- طب ارد عليه اقوله ايه بس ههههههههههههههه مالك انت بالدين مش قولت بلاش ندحل السياسة فى الدين انت راجل سياسي بتتكلم عن حاجة ماتعرفش عنها حاجة ليه الله يخربيوتكم مليتوا البلد
- ياجماعه بلاش استسهال التكفير الراجل قال اركان الاسلام اللى بنى عليها اللى بيها يكون اسلامك صحيح ومن غيرها يكون اسلامك مش صحيح مع استثناء الحج لانه على قدر استطاعتك بلاش نستسهل التكفير رد على الفكر بالفكر
- وهي الفروض أركان الإسلام الخمسة بس؟! يا حلاوة أمك.... وسبب الحجاب دورة المياه؟
- انا فخورة بيك :) بس للأسف زى مانت شايف نسبة المتخلفين اللى بيعارضوك قد ايه وياريتهم بيعارضوا بأدب !! ربنا يكرم ويبعتلهم عقل يفكروا بيه
- انتا بتصلى ازاى يا ابو حملات؟. هل فى فى القران طريقة الصلاة؟..!! لا طيب جبتها منين من السنة؟ طيب والحجاب فى السنة هتعمل ايه؟ لا ساعتها هقول ماشوفتوش...معرفتوش
- اتفقنا؟؟ اتفقت مع مين ؟؟ روح يا بعيد ربنا يشفيك الراجل ده عاوز حد يعقد معاه يفرمت له دماغه وينزل ويندوز جديد دماغه كده جابت اخرها والله
- هو مقلش حاجة غلط يعنى ما تسمعوا الفديو كله؟ هو مفيش معنى لغوى دينى اسمه الحجاب الاحتشام و الحدود مختلفة
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
