يواصل فراس بقنه تقديم حلقة جديدة من برنامجه “يومك معي” الذي يقوم فيه بتجربة ما تعيشه بعض فئات المجتمع، حيث قام في هذه الحلقة بتجربة العيش كأعمى، ويقول فراس في تجربته:”بالنسبة لي كانت أصعب تجربة، تغمض عيونك و يجيك شعور مخيف ان التجربة تخلص بس ما تقدر تفتح عيونك مرة ثانية، البصر من أعظم نعم الله علينا، الحمد لله عليها !” وقد لاقى الفيديو العديد من التعليقات ومنها:
- ألحمدلله على نعمة البصر ماراح نحس بالنعمة إلا لما نفقدها
- والله حاولت افكر انو راح بصري ما قدرت صراحه شي جدا صعب الحمد لله على العافيه و اهنيك على البرنامج الاكثر من راىع
- احسنت اخ فرااااس برنامج من افضل البرامج الله يوفقك ويعطيك العافيه والحمدلله على كل نعمه من الرب
- التصوير رائع الحمدلله ع سابغ نعمه وفضله كلنا معرضين لفقد البصر ولاحول ولاقوة الاباالله الله يرضينا باالقدر والقضاء هيلين كلير انسانه عمياء وسوت اشياء مايسويها المبصرين سبحان الله العظيم اقروا عنها باالوكيبيديا شكرا فراس وطاقم العمل الجميل ولكاميرا التصوير الفاتنه
- والله العظيم هاذي البرامج الهادفة هاذي البرامج اللي تخلي الواحد يتدبر ويعرف نعم الله عليه هاذي البرامج اللي تخلي الواحد يحمد الله على كل شيء اللهم لك الحمد اذا رضيت ولك الحمد حتى ترضى ولك الحمد اذا رضيت ولك الحمد على كل حال
- مادري ليه خنقتني العبره وانا اناظر .. اللهم متعنا بأبصارنا وأسماعنا وقواتنا أبدن ما أحييتنا ..() شكراً بحجم إبداعك..
- يقول الله في الحديث القدسي ( من أخذت حبيبتيه ( أي عينيه ) فصبر عوضدته عنهما الجنة ) فهل في مكافاة اكبر من الجنة ؟؟ الله يرزقنا وياكم الجنة
- الحلقة قصيره جدا و في اشياء كثيره يعاني منها الاعمى ما ذكرتها :(
- والله اني كنت بحط ديسلايك .. كله من الميوزك اللي في المقطع لكن الصدق ينقال .. مجهود قوي جدا وعرض بطل .. بس فكنا من الميوزك يرحم والديك ..
- الله يعطيك العافية استاذ فراس، فيديو واقعي وإبداعي وفكرته ممتازة جداً . استمتعت والله بمشاهدته :)
- سكرت عيوني وجربت اخر مرة اشوف والله جاني شعوور مخيف بعدين فتحت
- الحمدلله و الشكر لله على نعمة البصر ..و المفروض اننا نتعاون مع الدوله في مساعدة الكفيف ولو بابسط الطرق مثلا في الشارع خط المشاه المفروض السيارات ماتوقف فيه او يكون فيه جسر للمشاه .. حتى المسجد المفروض يكون فيه علامه في الارض عشان توضح اتجاه القبله ... في الف طريقه عشان نساعدهم
- فراس الله يرحم والدينك فكنا من الموسيقى والله مالها داعي على الاقل لو بس في رمضان
- السعوديه بكبرها مب متأهله انها تساعد الاعمى - الاطرم - المعاق عشان كذا ما تشوفهم برا يطلعون لان وش يظمن لهم انهم يرجعون البيت سالمين اما برا في الدول الثانيه تلاقيهم عايشين حياتهم لان في نظام
- الحمدلله ع نعمة البصر كنت افكر لو اني اعمى كيف راح يكون شكلي يوم اكبر ؟؟ شلون راح يكون شكل اخواني بعدين اخاف انسى شكلي بيوم هذا الي فكرت فيه لو اني اعمى
- في اليابان مجهزين طرق متعرجة على الأرصف مخصصة للعمي و مجهزين الأرصفة لذوي الإحتياجات الخاصة و هنا ما يحتاج أقول شي الي عايشين هنا يعرفون الوضع
- انا فجائه من بعد اختباراتي السنه اللي فاتت ضعف نظري حيل وربي اني بكيت من القهر حستني مادري كيف بحزن فضييع فما بالكم بالي فقط نظره كلياً ؟ياربي لك الحمد وربي اني في نعمه
- الأعمى الحقيقي مو الشخص اللي فقد بصره الأعمى الحقيقي هو الشخص اللي فقد بصيرته، حبيت المقولة جداً واسمحلي انقلها
- الحمد لله على النعمه وانا اشوف الفيديو استحيت من نفسي لاني لو شفت اعمى راق اقول انه ناقص وراح اتعامل معه تعامل غير وبحسسه انه ناقص لكن حط نفسك بداله راح تحس ان الناس ما تبي تتعامل معك
- ياخي الناس اللي زيك ما ادري وش اقول لهم, فراس قاعد يسوي اشياء ممكن تغير حياة ملايين من الناس و انتم مستقعدين ليش حاط موسيقى؟ ليش حاط علم كندا؟ ليش ليش ليش؟
ما تدورون الا الشي السلبي ليه؟ أنا يوم شفت المقطع والله ما قدرت استحمل و بكيت بكاء والله من زمان ما حسيت بشعور زي كذا, مع العلم ان عمري 20 سنه يمكن بسبب فراس انا اتغير لشخص افضل في ديني و دنياي, يمكن بسبب فراس أتغير و ادخل الجنه بسببه و انت جاي هنا تستقعد له شف لك شي ثاني تسويه ياخي و خل الناس بحالها
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
