علق العديد من نشطاء الانترنت على الفيديو الذي وصف من خلاله الشيخ صفوت حجازى الانترنت بأنه مسيلمة الكذاب كما وصف موقعى التواصل الاجتماعى الاشهر الفيسبوك بوك وتويتر بأنهم اللات والعزى في لقاء له على قناة النهار مع الاعلامى خالد صلاح ودافع حجازى عن قيامه بتقبيل يد رئيس مصر الجديد الدكتور محمد مرسى على منصة ميدان التحرير وقال ان ما فعله جائز شرعا وقال امثلة تدل على ذلك حدثت فى التاريخ، ومن ابرز التعليقات على هذا الفيديو:
- كلام باطل يراد به باطل!
- ياريت نبعده بقا عن الريس هو وكل عقلية نتنه بالمنظر ده :) اللاتى والعززه يابن المررره عاوزين نتقدم مش نصننم
- توفيق عاكشة ابو دقن بواس الايادي
- صفوت حط نفسه مع مرسي في مصاف الصحابة.... حبيبي يابو صفوت! حاجة مقززة
- يا نهاااااااااااار الإنترنت هي مسيلمة الكذاب وفيسبوك وتويتر هما اللات والعزى ده احنا على كدة من كفار قريش واحنا منعرفش :D
- ناس تافهة بيعملوا من الحبة قبة , ماله انه يبوس ايده , مش دى حرية , هوا دا الصح عنده , محدش غصبك على حاجة , بطلاو تقطيع فى الناس .
- حيث ان وصف اللات والعزى اتغير فانا شايف ان ستديوهات القنوات الى بتطلع فيها انت وخالد عبد الله جزيره الفتن
- طريقته و اسلوبه في الحوار كأنه نصاب عاوز يخليك تصدقه وخلاص
- ال عيب مش عليك ولا علي جايبك،العيب علي بيتفرج عليكو وجايبلكو فلوس
- السيد الرئيس الدكتور؟ انا حبيت الخطاب لكن مش لازم" السيد الرئيس الدكتور "دي هو اسمه محمد مرسي وبس انتخبناه على كده وعيزينه يفضل كده مفيش بني ادم مقدس ومسمعتش عن صحابة بيقبلوا يد الرسول المصري والمسلم حر كريم مش عبد لحد الرئيس خدام الشعب وكلنا خدامين مصر
- لو تويتر وفيسبوك اللات والعزى فساعتك تبقى ابو جهل بنقرا اللى بيكتب عنك والشتايم بالأب والأم بس ما بتدخلش على النت ؟! لا يا شيـخ ؟! هو انت ايه ما بتدخلش غير شقة مصر الجديدة ؟!ماعرفتكش انا كده بقى
-دا علي كدا انت معاك دكتوراه في بوس الايد , ايه ياعم كل المعلومات دي عن بوس الايد !!!
- بص انا ما انتخبتش مرسي و لازلت اكره عشيرته لكن الرجل ما صدر منه شيء يقلل منه وابقى انتقده لاصلاحه...لكن انت اراجوز اخواني الله يلعنك انت وهم
- حد يقولى يفرق ايه عن توفيق عكاشه و هو بيبوس ايديه و زى ما هو قال بمدى الجهل اللى عنده ابنى تقديره له ارفعله القبعه فى هروبه و تتويهه للموضوع برنس هو فى اللف و الدوران
- راجل منافق لأقصى درجه !! و حتى نافق خالد زفت اللي قدامه دا في موضوع انه مش بيتابع غير اليوم السابع يخربيت شكلك مش سايب حد اللا و نافقه
- انا شايف ان من كثرة الوقوف في التحرير فالشمس لحست مخه !
- وين المشكلة!!! تقبيل اليد من باب الإحترام وأنا أفعله دائما مع معلميني ومشايخي ولا يوجد شيء يمنع ذلك أبدا في ديننا الحنيف!!!!
- جهل الناس بالإسلام هو ما جعلهم يفسرون تقبيل الشيخ صفوت للدكتور مرسي بالامر السئ لن ينصلح حال مصر حتى يتعلم اناس الدين في المدارس طول ما مادة الدين مادة هامشية في المدارس البلد هتفضل في عالم الجهل الديني
- بصراحة جبت من الآخر يا شيخ صفوت ... تحليل جيد وكلام منطقي وتأصيل شرعي ... واللي مش عاجبه اللي بيعمله بلاش يعمل زيه .. واللي عايز يشتمه يبقى بيزود في حسناته
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
