ما يقارب نصف مليون مشاهدة حققها مشهد احتساء الفنان احمد السلمان للقهوة في مسلسل "ساهر الليل 3 - وطن النهار" على موقع اليوتيوب حيث نال عدد من التعليقات الساخرة، وذلك بسبب صغر حجم الفنجان بالمقارنة بعدد المرات التي قام بها الفنان السلمان باحتساء القهوة من الفنجان:
- دليل ضعف الأداء وضعف الإبداع ولا عايش الدور والمخرج متنح ولا منتبه
- مسلسل فاشل وإخراج أفشل سبحان الله من كثر ما أنهم يبون يستقلون رمضان بمسلسلاتهم مطيورين مايشوفون الحلقات بعد ما يسوونها
- خلص الفنجان بعد ٩ مرات. اذا طلب الشاي متى يخلص ؟؟ يمكن بعد ١٠ سنوات
- أفشل من الفشل نفسه هذا وفجانك صغير عيل لو شمالي چان يبيلك عود عشان اتخلصه
- وجع وجع وش ذا اللي عيا يخلص ، اللي يقول استقعاد ومدري ايش انا اقوله لازم يهتمون بالمشاهد مايعتبرونه طاولة ويصورون زي الناس ويحطون فنجال صدق وش يظرهم يحطون قهوة ويشرب قهوة زي الاوادم ليش التمثيل البايخ ؟
- الله يرحمك المخرج حمدي الله منذ رحيلك والفن الكويتي بالحضيض ممثلين لا عندهم شهايد ولا عندهم مؤهلات ولا هم كويتيين اناشد صاحب القرار ان يصدر قرار حازم بشأن الفن الكويتي الاصيل ان يكون كويتي وان يكون عنده شهادة
- ساهر الليل يعني في سهر بالنهار مثلا بس هالفنجان على كثر ما يشيل قهوه اكيد يسهر الدهرررر
- ما نصير كويتيين اذا ما تطنزنا او ضغطنا ، لكن صدقوني الهدف من هذا ان نضحك ونقرفش ، ابدا مو التجريح او الغلط على احد ، طننننن وهذي الشفطة الاخيرة من الفنجان
- ههههه صج لي قالوا مواعين قبل أحسن من الحين شفتو شلون فناجين قبل اتخزن قهوه مؤ مثل الحين شفطه وتخلص هذا فنجان ياباني يعبي منه وفيه
- ياجماعه قهوة اول فيها بركه *قهوة طيبين*
- المسلسل ناقصه وايد تعديلات اضاهر سوو بسرعه بسرعه علشان الفلوس بس
- وربي عجيبين اخطا ء الاخراج بالكويت تشبه اخطاء السينما الهنديه ببداياتها
- لحظه لاتظلمون الرجال يمكن مشبوك سلك تحت الفنجال يوصل لبراد القهوه كلما خلصت رشفه عطاك.البراد رشفه توماتيك
- شباب دققو بتلقون بالطاولة 16 فنجال مصفوفين قدامةة يعني يشرب وينزل وياخذ ثاني ههههههه بالله نفع الترقيع !ولا ازود شوي !!
- هههههههههههه قويه والله مت من الضحك لي هدرجه مخرجينا ضايعين بالطوشه كل هل ملاحظات اثناء التصوير ما انتبهولها
- السلمان استعجل شوي على المسلسل خاف تنحرق عليه القصة وتروح لممثل ومنتج غيره
- اشفيكم قهوة قبل الغزو ماتخلص بسرعه هع
- شكلها ما وصلكم هل فنجان يا اخوان هذا الفنجان بلوتوث ويعمل اتصال تلقائي مع الدله وكل ما يفضى الفنجان يرسل له ويعبي من جديد
- هذي اسمها اخطاء اخراجية مو درامية الاخطاء الدرامية تكون في الاحداث المحركة للقصة وتحسب على كاتب السيناريو مو في الديكورات والحركات والخرابيط الشكلية هذي مسؤولية المخرج
- وينه هالفنجال عن عزايمنا .. مب طول الوقت تمتر المجلس من فنجال الى فنجال :(
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
