بعد اشتباكات عنيفة استمرت لساعات بين قوات الشرطة المصرية والمتظاهرين الذين تجمعوا في محيط السفارة الاميركية بالقاهرة، وبعد تراشق قوي بالحجارة.. وفجأة يسود الهدوء ويتوقف كل شيء مع صوت الآذان ليصطف المتظاهرون في صفوف متناسقة لاداء الصلاة خلف امام من رجال الشرطة برتبة رائد في مشهد يؤكد وحدة المصريين وتآزرهم كشعب واحد وفي مظهر نادرا ما كان يتوقع حدوثه قبل ثورة 25 يناير:
- ايوه كدا ...والله مش كل الضباط تبع نظام العادلي 1000..... لايك :)
- شعب فعلا فيه كل حاجه وصعب تتوقع تصرفاته
- هو الظابط و المتظاهرين ايه ؟ ماهم واحد !!
- هي حاجة بتضحك .. بس حلوة وليها معنى حلو .. اللهم احفظ مصر للمسلمين
- احنا شعب بيموت فى التهيسس يعنى الراجل يقول السلام عليكم ورحمة الله وهوب يشتغلوا ضرب فى امه وهوا كان امام عليهم من 10 دقايق
- صحيح والله البلد دة فيها العجب
- فكروني بالصعايده الي كانو بيلعبو بالعصيان ومات منهم تلاته فقالو كفايه كدا لاحسن تقلب بجد
- وبعد ماالظابط يخلص الصلاة ياخد اللى جانبه ويقوله اجرى يامجدى :))
- شوفتو بقي ان العلاقة بين الداخلية والشعب بتتطور يوم بعد التاني شويه و الظابط هيضرب الامن المركزي
- لو فى مخلوقات فضائيه متابعه الموقف ده ,, مش بعيد نصدر حشيش للمريخ
- اكيد بعد ما الضابط يسلم ..يطلع قنبلة مسيلة يرميها ع المصللين اللى وراه ويطلع يجرى...!!!
- فعلا وربنا احنا شعب غلبان قوي وطيب وحساس لدرجة ان اي حاجه ليه فيها او مالوش بيسعى وخلاص
- والله شعب مالوش حل فى عز ماتحس ان خلاص الدنيا باظت واعدائنا كلهم يفتكرو ان البلد دى بتولع وهايحصل فيها حرب اهليه فى يوم وليله تلاقى كله ايده فى ايد التانى وينسى كل حاجه هو ده الرباط اللى احنا فيه وماحدش فاهمه ولا انا :D
- رغم انى مصرى ولكن بصراحة انا مش قادر افهم المصريين .. احنا فعلا شعب غريب .. اوقات اشعر بالتفائل والثقة فينا كشعب واوقات اشعر ان احنا شعب عمره ما ح يتصلح حاله
- الغريب ان المتظاهرين رايحين لنصرة الرسول ولكن رغم كده عدد اللى واقفين بيتفرجوا ومش بيصلوا منهم اكتر بكتيييييير من اللى بيصلوا حتنصر الرسول ازاى اذا كنت انت مش قادر تعمل ابسط حاجه وهيا الصلاة لا وامبارح سامعينكم على الجزيرة شغالين سب دين وشتايم وسخه وفى الاخر تقولى رايحين لنصرة الرسول كتكم القرف ده انتوا مش بتركعوها حتى
- انا منبهرة الصراحة , والناس اللى واقفة دى مش بتصلى ليه مش المفروض انهم بينصروا الرسول عليه الصلاة والسلام
- هي دي مصر شعب طيب بسيط يجمعة الايمان بالله والصلاة ويفرقة الجهل والتخلف ياريت نتحد وكفانا فرقا وهي لكي نبني مصر ومن بعدها نواجة العالم كلة بواحدة عربية اسلامية...
- شعب غريب ... الظباط اصلا خلص صلاة وقعد يتكلم شوية ... وبعد كدة بدأ الضرب من جديد والسؤال دلوقتى هو فى كدة ؟؟
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
