نشر الشيخ حازم صلاح أبو اسماعيل على صفحته على موقع الفيسبوك بيانا اعتبره العديد من النشطاء المصريين بمثابة "لغز" لم يفهموا الهدف منه أو ماذا يريد الشيخ حازم أبو اسماعيل قوله من خلال هذا البيان، وقام عدد من نشطاء موقع التواصل الاجتماعي تويتر بالتعليق بطريقة ساخرة على البيان:
@Mohamad_elshamy لازم تكون حازمون عشان تقدر تستوعب وتفهم بيان حازم ابو اسماعيل الاخير...
@RehamMaksoud هو حازم ابو اسماعيل بيقول ايه؟ انا قريت البيان من الأول للأخر ومن الأخر للأول اانى أفهم حاجة مفهمتش.هو مضايق طيب ولا فرحان ؟
@amrkoresh بل ولقد استطاع حازم ابو اسماعيل ان يحلق فى افااق اخرى و عوالم خاصه صنعها بنفسه.
@Che_Magdi واضح ان فيه اجماع علي ان حازم صلاح ابو اسماعيل اتكلم النهارده و في اجماع علي ان محدش فهم حاجه
@FindNour تنكرو ان حازم ابو اسماعيل علامة استفهام كبيرة ف الثورة؟ مامته الامريكيه واعتصاماته اللي مش مفهومه حتي فضها مرورا بالشاحن لنوصل لبيان زي دة:
@hananfattah في ايه ياجماعه فين لينك بيان حازم ابو اسماعيل ماتخافوش ده حجاب بس مش بيأذي
@sadbird34 مشكله خطاب ابو اسماعيل انك ممكن تلاقي ناس فاهماه وحتنزل مظاهرات واعتصامات وحصارات بناءا على الخطاب وفي الاخر حازم يقول انا ماقلتش
@GehanEladly على فكرة انا قريت بيان حازم ابو اسماعيل :))))) وعرفت اقرأة كله كمان
@safwatism بالمناسبة بيان حازم صلاح ابو اسماعيل بيان عادي وكلامه بلاغي شوية علي مستوي ناس كتير ومشكلتكم انكم رابطينه بالوثائق المضروبة اللي بتنشروها
@M7md_saeed بيان حازم ابو اسماعيل تحسه جواب سري محتاج ان حد يفك شفرته من المخابرات .. اخر نقطة بالتحديد ممكن تبقي نكتة
@MS2512011 حازم ابو اسماعيل عايز يعمل منظرة في حل الأزمة فقام أصدر بيان في حد ذاته أزمة لدي شبه يقين ان الواد حازم ده ابوه وامه ماتوا وهم غاضبون عليه
@MouOsama حازم ابو اسماعيل بيفكرني بالواد التخين اللي في فيلم "فيلم ثقافي" لا معاه فيلم و لا تليفزيون ولا مكان و حاشر مناخيره في كل حاجة!
@hassanwolf حازم ابو اسماعيل كل ما يطلع بيان الناس تنتقده قالك عشان ماحدش ينتقدني اطلع بيان يعجز الناس عن فهمه
@nasserless يا جماعة صفحة حازم صلاح ابو اسماعيل منزلة ايضاح(ترجمة) للخطاب المشكلة تكمن في ان الايضاح يحتاج الا ايضاح
@Abdura7man صفحة حازم صلاح ابو اسماعيل منزله توضيح للبيان برضوا مش واضح هههههه ايه شغل اللوغاريتمات ده يا جدعان
@om_elhol انا اعرف ان البيانات بتبدأ بكلمه "في هذه الايام العصيبه" كن عشان حازم ابو اسماعيل بغل كاتب ف اول البيان فى هذه اللحظات الضخمة
@drmostafaazzab انا بس عايز اعرف الدماغ اللى هو عملها قبل مايكتب البيان دة ايه عشان اجربها
@ebrahimelkhadm ايه ده انا مفهمتش حاجه من البيان الا اسم حازم ابو اسماعيل والتاريخ اللى مكتوب هو انا كده جاهل
@petermnaeem انا كنت مستني من الشيخ حازم بعد ما كتب البيان ده يقول اعرب ما تحته خط و استخرج من القطعة ما يلي. ده نحو
@oshey10 والنبى يا اخوانا اللى فهم حاجه من بيان حازم ابو اسماعيل يقولى احسن راسى اتعورت من كتر الهرش ومش فاهم لسه
@mohamedshazli هو بيان حازم ابو اسماعيل انه كان هيعمل حاجة و المستشارين بتوعه قالولوا لا هنأجلها لو حصل جديد و مينفعش نتحرك لوحدنا كمان .. انا كدة فاهم صح؟
@sarafahmy_2000 الغريبة بقى ان فى ناس بتعلق عل بيان حازم ابو اسماعيل وبتقولو كفيت ووفيت .. وفى ناس بصراحة طلبت ترجمة للبيان
@Ahmed_Soliman07 بعد خطاب حازم ابو اسماعيل ، فقد تم اضافة لغة hazmon language للغات الاخرى ، وعلى من يستطيع الترجمة ان يتصل على قناة الحكمة ، هاتولى مترجم
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
