مع اقتراب انتهاء مدة المائة يوم التي اعطاها النشطاء والثوار للرئيس المصري المنتخب الدكتور محمد مرسي، قام عدد من المغردين المصرين بإنشاء هاشتاغ #انجازات_المائة_يوم يكتبون تحته ما هي الانجازات التي حققها الرئيس مرسي منذ توليه الرئاسة ولم تخلو بعض هذه التعليقات من السخرية:
@mody_hwa_mody قيود على حرية التعبير , قمع امني للاعتصامات و الاضرابات , تعذيب في اقسام الشرطة !!!! انا شفت الكلام ده فين قبل كده
@RehamGilany مبدأيا كده انجازات دى كلمه كبيره جدا .. مرسى لم يقم بانجازات , واعتبر ان الحسنه الوحيده التى تذكر له انه انهى حكم العسكر
@gamaleid للحق أيضا، الانجازات لم تتحقق ،لكننا موجودين وبننتقد،، شفيق كان حيرمي أغلبنا في السجن ويحقق وعده بتحقيق الامن بسجننا
@Aly_Fahmy المصريين بيحاسبوا رئيس بدون برلمان وكان بيحارب دولة عسكرية على صبلاحياته وعلى قذارة بقالها 30 سنة ده ع أساس إنه سوبر مان
@NouranSany مائة يوم ايه هو يوم واحد بس وال 99 الباقيين النور كان مقطوع فيهم
@ahmed__vendetta انا ضد محاسبة مرسي عن انجازات المائة يوم لانه مش ساحر علشان يقلب حال البلد في المدة دي، بس لو هنقول انجاز يكفي انه خلصنا من العسكر
@MokhtarFares25 تطهير بعض الأجهزة الرقابية من الفساد وتعيين شرفاء مشهود لهم بالنزاهة وطهارة اليد
@KhaledLoay مش بيعدي ماتش لريال مدريد غير و رونالدو جايب جول .. انجاز ده ولا مش انجاز يا متعلمين يا بتوع المدارس؟!!
@EzatK لو انت إخوَنجي يبقى اتحققو كلهم بما لا يخالف شرع الله ولو مش إخوَنجي يبقى مفيش أي حاجه حصلت بالعكس ده الوضع أسوأ
@MohdKmL ان الرئيس لف العالم.. الرواية كانت حول العالم في 80 يوم.. بس نظرا لاننا من الدول النامية فأحتجنا وقت اطول شوية
@Ce_JohnnY من اهم الانجازات اللى ماحدش واخد باله منها ان فايزة ابو النجا مشيت
@Hesham_abn_Atef الزبالة اللى كانت مالية الشوارع اتشالت و البلد بقت نضيفة اوى اوى اوى و بقت فلة شمعة منورة الصراحة
@Bn_Raafat مفيش بياعين مخدرات لدرجة انى لما كنت بنزل ساعة العيد ولحد دلوقتى بلاقى حملات مكثفة والعيال مقبوض عليها
@Ramy3mmar وعد بما لا يقدر علي تنفيذه في مائة يوم لكن الغريب أنه أنجز أمورا لم يعد بها ، أؤمن أن الاصلاح لا يحتاج وعودا
@khaledrzk1 مهو سافر ايطايا وتركيا والصين وايران والسعوديه واثيوبيا وامريكا يعملكو ايه تاني مكنش فيه وقت لاي حاجه تاني ارحموه بقي
@A7medAmin55 المانجا فى متناول كل مواطن شكرا مرسى
@elboshy65 القضاء ع لواءات المجلس العسكري الموالي لمبارك بمساعدة العسكر،والقضاء نهائيا على حكم العسكر العقيم
@Ran_amin الاخوان خدوا السلطة ، وطمعانين في تويتر والفيس بوك عبر اللجان الاليكترونية اللي كرهتنا فيهم وفي عيشتنا
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
